雞駅花膠雞米線專門店

Open Now

Now Closed

平時都係去開灣仔果間分店，已經係回頭左超多次。今次嚟到觀塘試味道一樣係咁出色，無論係邊個湯底都係令人非常回味。———————————————🌟招牌花膠雞米粉 $68呢個招牌花膠雞米粉真係無得輸，花膠爽口彈牙，每一啖都感受到佢嘅質感。湯底係乳白色，非常鮮甜。雞肉都算嫩滑，不過偶然會有幾舊雞皮比較肥啲。今次我轉左做米粉試試，私心覺得都係米線更好食，推薦大家都係叫返米線🫣🌟胡椒豬肚雞米線 $60胡椒豬肚雞米線係另一個推介，胡椒味道濃郁但唔會太辣，配埋豬肚同嫩滑雞肉，成碗湯頭都好暖胃。米線夠煙韌，吸晒湯底嘅精華，食落非常滿足。🌟金磚豆腐 $42呢個金磚豆腐真係每次都必叫，外脆內軟，咬落去啲豆腐嫩滑無比，外層嘅椒鹽調味超香，令到成個豆腐好有層次感，一口接一口停唔到手。🌟凍檸檬薏米水 跟餐+$18呢個凍檸檬薏米水清爽解渴，跟餐加$18真係抵飲，尤其係食完啲濃味湯底，再嚟一杯清新嘅薏米水，真係好夾。🔸整體食評🔸雞駅真係值得推介，主要係性價比高，而且味道又出色。小食其實除左金磚豆腐，連黑松露薯條、糖心蛋等都係非常出色，回頭率絕對係100%。