Video
Read full review
2024-05-03
18 views
今日嚟到觀塘落住勁大雨，咁啱俾我哋見到喺一間工業大廈入邊有間好似幾靚嘅Cafe @timescoffee.hk ，我哋就衝着入去試吓😂入到去發現佢嘅裝修係模仿學校嘅教室，會有啲學生枱櫈、黑板，仲有代表學生精神狀態嘅「一嚿雲」。😂小編大概理解到點解佢叫小時光，我諗就係想俾人返返去細細個讀書嗰陣～🥹睇一睇餐牌，佢哋嘅食物係以台式同西式為主。落住咁大雨，加埋呢度課室嘅環境，同台式嘅食物，令小編諗起那些年我們一起追的女孩呢套電影。🙈➡️蟹肉蟹棒明太子意粉 $138大大條嘅蟹棒好吸引！面頭有紫菜碎加上勁多蟹籽，成個意粉望落好滿足～食落佢嘅明太子味幾突出，意粉口感亦都啱啱好。不過個醬汁小編覺得可以再Creamy啲，食落會更加滿足！味道：7/10➡️我愛台妹 $98呢個小編都幾推薦，簡單啲嚟講，佢就係一個台式嘅all day breakfast，配有某啲西式食物例如黑松露炒蛋，沙律、粟米片等等。亦都有啲好台式嘅食物例如台灣腸同一個巨型芋泥肉鬆吐司，佢嘅芋泥足足成球雪糕咁大，尚算綿身，久唔久會有芋頭粒，都有芋頭香。加埋肉鬆吊起個味非常滿足。唯一小編覺得個芋頭可能未係當造，再粉啲就一流！味道：8/10➡️荔枝
今日嚟到觀塘落住勁大雨，咁啱俾我哋見到喺一間工業大廈入邊有間好似幾靚嘅Cafe @timescoffee.hk ，我哋就衝着入去試吓😂
入到去發現佢嘅裝修係模仿學校嘅教室，會有啲學生枱櫈、黑板，仲有代表學生精神狀態嘅「一嚿雲」。😂小編大概理解到點解佢叫小時光，我諗就係想俾人返返去細細個讀書嗰陣～🥹
睇一睇餐牌，佢哋嘅食物係以台式同西式為主。落住咁大雨，加埋呢度課室嘅環境，同台式嘅食物，令小編諗起那些年我們一起追的女孩呢套電影。🙈
➡️蟹肉蟹棒明太子意粉 $138
大大條嘅蟹棒好吸引！面頭有紫菜碎加上勁多蟹籽，成個意粉望落好滿足～食落佢嘅明太子味幾突出，意粉口感亦都啱啱好。不過個醬汁小編覺得可以再Creamy啲，食落會更加滿足！
味道：7/10
➡️我愛台妹 $98
呢個小編都幾推薦，簡單啲嚟講，佢就係一個台式嘅all day breakfast，配有某啲西式食物例如黑松露炒蛋，沙律、粟米片等等。亦都有啲好台式嘅食物例如台灣腸同一個巨型芋泥肉鬆吐司，佢嘅芋泥足足成球雪糕咁大，尚算綿身，久唔久會有芋頭粒，都有芋頭香。加埋肉鬆吊起個味非常滿足。唯一小編覺得個芋頭可能未係當造，再粉啲就一流！
味道：8/10
➡️荔枝玫瑰冰茶 +$20（飲品跟餐半價）
荔枝同玫瑰簡直係絕配！淡淡玫瑰味加上荔枝果肉茶底，好香好清新～
味道：8/10
➡️大甲芋頭鮮奶 +$20（飲品跟餐半價）
小編好鍾意飲芋泥鮮奶，佢呢杯主要以奶味為主，帶微微芋頭香，不過污泥嘅質感亦都未算好綿同粉。但味道上都唔錯，如果再大杯啲會更加滿足！
味道：7/10
➡️焦糖布丁草莓刨冰 $108
小編當初就係比呢個刨冰吸引過嚟，上到枱好吸睛好igable
，一𢳂落去有厚厚嘅士多啤梨奶蓋，有好香嘅士多啤梨同奶味，口感綿密，加埋細緻嘅綿綿冰簡直好食到震！當然佢唔止咁簡單，入邊有餅乾碎同布甸，口感上有多重變化，非常推薦！
味道：9.5/10
抵食：7.5/10
環境：9/10
Post
