Video
Read full review
2023-05-16
70 views
呢間係好耐之前係openrice見到，同男朋友講左好多次好想試吓，今次終於都拉到佢嚟陪我食印度菜🤭———————————————🌟乳酪脆米球 Dahi Puri $78脆米球係印度菜一面其中一款出名嘅小食，我今次叫呢款入面仲會加有薯仔粒、鷹咀豆同乳酪，面頭仲有少少石榴粒，呢個小食係凍食嘅，外層好脆再加埋各款材料，口感真係非常超豐富同有層次，味道食落酸酸甜甜超開胃。.🌟牛油雞 House Butter Chicken $138基本上去邊間印度菜我都覺得係要必叫牛油雞，呢度嘅牛油雞食落冇其他餐廳咁甜，會係以返咸味做主調，但味道上真係好香，個咖哩亦都好creamy，特別要讚一讚雞肉真係好嫩滑，感覺應該係烤完再放落去咖哩。.🌟印度燴羊肉 Rogun Josh $158羊肉呢個咖哩係以瑪撒拉醬料為主，加入多種香料製成，咖哩底感覺羊肉唔係話好重，不過羊肉本身食落係好濃郁同埋好腍👍🏻.🌟原味烤餅 Plain Naan $24烤餅真係即叫即整，比起其他特色烤餅，我個人比較鍾意食原味，一上台仲熱辣辣同聞到果陣麵包香，因為麵包同咖哩都太好食我哋叫完又再叫，最後叫咗3份去配咖哩食😆.🌟Ginger Mimo
呢間係好耐之前係openrice見到，同男朋友講左好多次好想試吓，今次終於都拉到佢嚟陪我食印度菜🤭
———————————————
🌟乳酪脆米球 Dahi Puri $78
脆米球係印度菜一面其中一款出名嘅小食，我今次叫呢款入面仲會加有薯仔粒、鷹咀豆同乳酪，面頭仲有少少石榴粒，呢個小食係凍食嘅，外層好脆再加埋各款材料，口感真係非常超豐富同有層次，味道食落酸酸甜甜超開胃。
.
🌟牛油雞 House Butter Chicken $138
基本上去邊間印度菜我都覺得係要必叫牛油雞，呢度嘅牛油雞食落冇其他餐廳咁甜，會係以返咸味做主調，但味道上真係好香，個咖哩亦都好creamy，特別要讚一讚雞肉真係好嫩滑，感覺應該係烤完再放落去咖哩。
.
🌟印度燴羊肉 Rogun Josh $158
羊肉呢個咖哩係以瑪撒拉醬料為主，加入多種香料製成，咖哩底感覺羊肉唔係話好重，不過羊肉本身食落係好濃郁同埋好腍👍🏻
.
🌟原味烤餅 Plain Naan $24
烤餅真係即叫即整，比起其他特色烤餅，我個人比較鍾意食原味，一上台仲熱辣辣同聞到果陣麵包香，因為麵包同咖哩都太好食我哋叫完又再叫，最後叫咗3份去配咖哩食😆
.
🌟Ginger Mimosa $68
呢杯係以橙汁為主，再加有少量薑汁汽水，上面仲有一片薑做裝飾，飲落薑味其實唔太重，味道仲酸酸甜甜好好飲。
.
🌟Punjabi Mango Lassi $58
Lassi都係其中一款印度菜必叫之選，呢度嘅Mango個人認為係比較原汁原味啲，落得唔多糖會酸少少，鍾意芒果嘅朋友仔一定要叫！
.
🔸整體評價🔸
餐廳環境好有異國風情而且侍應服務都好好，整體食物質素都好高。另外都留意到佢星期日晏就12至3點有Buffet，$180位就包食物同飲品。至於平日就會有午餐set，最平$89就已經可以有4個courses！如果偶然都想同朋友仔去食印度菜都不妨考慮下呢間餐廳🥰
Post
