Video
Read full review
2025-01-22
0 views
今日嚟到銅鑼灣嘅希慎廣場見到間新開嘅餐廳，發現原來係之前喺尖沙咀已經開咗兩間分店嘅人氣台灣菜餐廳 @match2.hk ，聽其他人講呢度仲有一啲限定嘅餐點，今日就嚟試吓。經典牛肉全家福麵 $138 🐄🐄呢個係K11同銅鑼灣店限定嘅牛肉麵。同其他一般牛肉麵唔同佢嘅料頭更多，有牛肋、牛筋、牛肚、肥牛同雞蛋，而且唔係嗰種餸頭餸尾大雜燴，而係舊舊都好厚切大嚿。😳小編就最鍾意佢哋嘅牛肋同牛筋，牛肋軟腍入味，牛筋腍中帶啲Q彈嘅感覺。至於湯底係偏重醬油味，再帶少少牛骨香。麵係粗麵，幾有咬口。味道：7.9/10蚵仔三文魚籽蓋飯 $128 🦪🦪呢個台中蓋飯系列就完全系銅鑼灣獨有（暫時），蓋飯面頭有好多三文魚子、蚵仔同滷肉，基本上將全部撈勻連埋白飯一齊食係最滋味，一次過滿足晒小編，因為小編本身好鍾意食三文魚子同埋蚵仔，鍾意呢個配搭嘅朋友真係值得一試。味道：7.7/10麻辣臭豆腐（六件） $68🫘🫛小編平時唔多食臭豆腐，但同行友人強烈推薦下小編就叫咗份。🤣🤣發覺佢係新手都可以接受到嘅味道，臭味唔算特別強烈。而且佢炸到好香口，入面吸晒麻辣嘅湯汁，麻辣係麻香比較多，辣味唔算好強勁，非常香口惹味。味道：8.2/1
今日嚟到銅鑼灣嘅希慎廣場見到間新開嘅餐廳，發現原來係之前喺尖沙咀已經開咗兩間分店嘅人氣台灣菜餐廳 @match2.hk ，聽其他人講呢度仲有一啲限定嘅餐點，今日就嚟試吓。
經典牛肉全家福麵 $138 🐄🐄
呢個係K11同銅鑼灣店限定嘅牛肉麵。同其他一般牛肉麵唔同佢嘅料頭更多，有牛肋、牛筋、牛肚、肥牛同雞蛋，而且唔係嗰種餸頭餸尾大雜燴，而係舊舊都好厚切大嚿。😳小編就最鍾意佢哋嘅牛肋同牛筋，牛肋軟腍入味，牛筋腍中帶啲Q彈嘅感覺。至於湯底係偏重醬油味，再帶少少牛骨香。麵係粗麵，幾有咬口。
味道：7.9/10
蚵仔三文魚籽蓋飯 $128 🦪🦪
呢個台中蓋飯系列就完全系銅鑼灣獨有（暫時），蓋飯面頭有好多三文魚子、蚵仔同滷肉，基本上將全部撈勻連埋白飯一齊食係最滋味，一次過滿足晒小編，因為小編本身好鍾意食三文魚子同埋蚵仔，鍾意呢個配搭嘅朋友真係值得一試。
味道：7.7/10
麻辣臭豆腐（六件） $68🫘🫛
小編平時唔多食臭豆腐，但同行友人強烈推薦下小編就叫咗份。🤣🤣發覺佢係新手都可以接受到嘅味道，臭味唔算特別強烈。而且佢炸到好香口，入面吸晒麻辣嘅湯汁，麻辣係麻香比較多，辣味唔算好強勁，非常香口惹味。
味道：8.2/10
寧夏鹽酥魷魚 $88 🦑
小編欣賞佢哋嘅雜物炸得幾香口，脆中帶韌，口感一流。而且佢嘅調味十足，胡椒鹽非常惹味，令人一啖接一啖，仲想配杯酒。😂😂
味道：8.2/10
紅薯芋圓窩夫 $78 🧇🧇
佢係牛角窩夫，加上忌廉同大大粒嘅紅薯芋圓。芋圓非常軟糯煙韌，而且真係有微微嘅紅薯味道。不過小編好後悔冇即刻食，因為忌廉已經令佢稍微淋咗，如果唔係佢嘅牛角窩夫加埋忌廉一定好好食，所以記得一定要新鮮即刻食！😭😭😭
味：8/10
手打香橙檸檬茶 $43🍊🍊
檸檬茶裏面除咗本身嘅檸檬之外，仲加咗香橙同埋青檸，成杯茶充滿濃濃嘅橘子味，本身都唔錯，食完飯之後飲杯檸檬茶，簡直係最高享受。
味道：8.2/10
開心果鮮奶 $52 🍼🍼
小編見到開心果三隻字已經決定要嗌呢杯試吓，佢嘅開心果味唔算好濃，但都飲得到開心果味，算係適中舒服嗰種。而且入面有粒粒果仁，整體都唔錯。🤤
味道：7.9/10
抵食：7.8/10
環境：8.2/10
服務：8/10
麻吉灶咖 (銅鑼灣)
銅鑼灣軒尼詩道500號希慎廣場3樓302-305號舖
Post
