Video
Read full review
2024-04-22
141 views
今日晨早出到銅鑼灣做嘢，晏晝嘅時間又冇乜嘢做，想搵個地方坐下飲下嘢🍺，咁啱就見到呢間gastropub，見到早午餐加198就可以有120分鐘暢飲放題咁抵，就入去試吓。🤩呢間The Madhouse CWB環境闊落開揚，有室外座位之餘，入面以嘉年華為主題，將遊樂場、手工啤酒同美式早午餐拼湊埋一齊，有種復古美式嘅感覺。🇺🇸食物主要以美式早午餐為主，最重要係任何餐點加$198就可以有120分鐘暢飲放題🙀，飲盡手工啤酒、紅白酒、非酒精飲品等等。🍷🍸🥃➡️食物：➡️Omelette Steak Combo $158上枱非常之吸睛，原因係佢嘅牛板腱牛扒生熟度啱啱好，完全唔會韌，肉味亦都好香，調味適中，早午餐食到咁好嘅牛扒真係夠晒精神。🤣另外佢嘅奄列亦都好大份，蛋皮唔會過老，入面保持嫩滑，餡料非常足料，滿滿嘅香腸煙肉同芝士。仲有多士同沙律，非常滿足！😋➡️Foot Long Fish & Chips $118原本以為都只係普通嘅炸魚薯條，但嚟到發現個魚柳勁大份。外皮係用啤酒脆漿炸成，達到鬆脆嘅效果。🐟魚肉亦都夠晒紮實嫩滑，帶微微嘅魚味。🐠特別一提佢嘅他他漿唔係出面現成嘅味道，比一般嘅他他漿酸少少，刁草香味
今日晨早出到銅鑼灣做嘢，晏晝嘅時間又冇乜嘢做，想搵個地方坐下飲下嘢🍺，咁啱就見到呢間gastropub，見到早午餐加198就可以有120分鐘暢飲放題咁抵，就入去試吓。🤩
呢間The Madhouse CWB環境闊落開揚，有室外座位之餘，入面以嘉年華為主題，將遊樂場、手工啤酒同美式早午餐拼湊埋一齊，有種復古美式嘅感覺。🇺🇸
食物主要以美式早午餐為主，最重要係任何餐點加$198就可以有120分鐘暢飲放題🙀，飲盡手工啤酒、紅白酒、非酒精飲品等等。🍷🍸🥃
➡️食物：
➡️Omelette Steak Combo $158
上枱非常之吸睛，原因係佢嘅牛板腱牛扒生熟度啱啱好，完全唔會韌，肉味亦都好香，調味適中，早午餐食到咁好嘅牛扒真係夠晒精神。🤣另外佢嘅奄列亦都好大份，蛋皮唔會過老，入面保持嫩滑，餡料非常足料，滿滿嘅香腸煙肉同芝士。仲有多士同沙律，非常滿足！😋
➡️Foot Long Fish & Chips $118
原本以為都只係普通嘅炸魚薯條，但嚟到發現個魚柳勁大份。外皮係用啤酒脆漿炸成，達到鬆脆嘅效果。🐟魚肉亦都夠晒紮實嫩滑，帶微微嘅魚味。🐠特別一提佢嘅他他漿唔係出面現成嘅味道，比一般嘅他他漿酸少少，刁草香味更加突出。配搭咁大份嘅炸魚柳一啲都唔覺得膩。❤️
➡️飲品：
呢個暢飲放題有N咁多種嘢飲俾你揀，小編都唔逐一點評，只係簡單介紹我哋第一輪嘅手工啤。
➡️FruitAge🍸🍓
呢款係果味比較重嘅啤酒，除咗有啤酒嘅麥味之餘，仲有酸酸甜甜嘅水果味。🍇比一般嘅啤酒更加易入口，喺咁熱唔熱嘅夏天飲，係好好嘅選擇。👍🏻
➡️CrazyRabbit
呢款係咖啡味嘅黑啤，同上一款有幾大嘅對比，麥味更香之餘 ，啤酒嘅苦味亦都更加突出。🙈而且加咗濃縮咖啡，甘苦味齒頰留香，之後餘韻會慢慢滲出咖啡香味，適合一啲鍾意濃烈啤酒嘅朋友。☕️
小編好欣賞嘅一點係佢嘅酒水牌會有介紹啤酒嘅特色同味道，就算有選擇困難症嘅朋友都唔使驚！
➡️甜品：
➡️Sweetly Salty Waffle
小編真係估唔到佢嘅甜品都咁大份，佢嘅配搭幾有趣，有鹹嘅煙肉，亦都有甜嘅焦糖香蕉同糖漿。🧇但鹹鹹甜甜嘅味道又意外地夾。窩夫同出面嘅有少少唔同，佢係比較輕身同脆身，同時間重牛油味多。🐮
小編真心覺得而家天氣咁熱，晏晝入去食吓嘢、飲下酒、吹吓水、吹下風，望住出面嘅行人匆匆而過，而我悠悠閒閒，真係咪話唔爽
Post
