雪見 (Closed)

嚟到阿叔嘅誕生月🎂，當然食盡佢！今次同朋友嚟到呢間位於銅鑼灣耀華街一間樓上嘅日式料理餐廳食晚飯🥢，店內由日籍大廚主理，專門提供季節性廚師發辦🍣。同好多日式餐廳唔同，呢度除咗有一般生食🐟嘅廚師發辦外，更有熟食🍢嘅廚師發辦提供，當中包括煮物、吸物、燒物、揚物等等，啱晒唔食生嘢但又好想感受食廚師發辦嘅人嚟幫襯😙。不過無論生食、熟食，又抑或午市定晚市，呢排餐廳都做緊8折優惠，想嘆高質廚師發辦，可以話又多一個好選擇喇！😚😚😚 🍣櫻。廚師發辦 ($1280)，阿叔今次嘅選擇！成個餐除咗湯🥣、烏冬、甜品🍈外，仲包括以下前菜、5款刺身同7件壽司： 🧆前菜：白梅貝、海膽胡麻豆腐、三文魚子醬油漬配海參漬 🐟刺身：拖羅、白蝦、蜜柑鯛、左口魚三食、笠貝🥰阿叔最難忘蜜柑鯛同拖羅，前者魚名好得意，原來係因為飼料中加咗蜜柑皮😮，因此食嘅時候會食到淡淡嘅蜜柑味，阿叔第一次食到呢款刺身，果然有驚喜👍🏾；後者一向都係阿叔至愛，極厚身嘅拖羅，眼看精緻油花、口感入口即融，超正！🤤🤤🤤 🍣壽司：北寄貝、深海池魚、池魚、拖羅、海膽魷魚、吞拿魚醬油漬、北海道海膽7款壽司，款款都好啱阿叔口味😋。當中越嚟越鍾意食深海池魚🐟，貪佢味道鮮