Video
Read full review
2024-01-23
46 views
今次呢間日本餐廳真係要大大力讚，其實佢入面好多菜式性價比都好高，好似普通壽司咁都有$1X/2件，我果日一眼見到呢個A5和牛餐2人餐($738)就已經被吸引住，主要係張圖好吸引又豐富，叫完亦都冇令我失望，非常值得推薦比大家。———————————————🌟和牛他他沙律沙律入面有生和牛亦都有熟和牛粒，兩種口味都好濃但又各有特色。生和牛可以直接睇到油花分佈真係好靚，又多又細密。至於和牛粒就係燒得好香，放入口就已經有種牛油嘅感覺，配上旁邊嘅蔬果食正好可以解解膩。🌟席前燒即場會有工作人員推車出嚟燒，成個過程打卡都好適合，睇住佢用火槍一路燒塊和牛，油脂直接滲出真係流曬口水，連埋蛋漿再逐面去燒，分成兩份後淋上燒汁，最後仲有一步畫龍點睛之作就係加上香蔥及炸蒜。炸蒜真心起咗一個好大作用，令成件作品更香口同時口感更豐富。🌟飛驒牛壽司真心放入口果下就真係以為自己返左日本，同名古屋果啲根本就係一樣味，。壽司上面配有海膽，海膽味雖然濃但唔會搶味，第一下入口會海膽味先慢慢咬就會食到濃郁嘅和牛味。🌟火炙飛驒牛壽司火炙壽司經過火燒油脂味更濃烈，呢個同席前燒其實會有少少相似，佢面層一樣加有香蔥同炸蒜，放入口都一樣係充滿
今次呢間日本餐廳真係要大大力讚，其實佢入面好多菜式性價比都好高，好似普通壽司咁都有$1X/2件，我果日一眼見到呢個A5和牛餐2人餐($738)就已經被吸引住，主要係張圖好吸引又豐富，叫完亦都冇令我失望，非常值得推薦比大家。
———————————————
🌟和牛他他沙律
沙律入面有生和牛亦都有熟和牛粒，兩種口味都好濃但又各有特色。生和牛可以直接睇到油花分佈真係好靚，又多又細密。至於和牛粒就係燒得好香，放入口就已經有種牛油嘅感覺，配上旁邊嘅蔬果食正好可以解解膩。
🌟席前燒
即場會有工作人員推車出嚟燒，成個過程打卡都好適合，睇住佢用火槍一路燒塊和牛，油脂直接滲出真係流曬口水，連埋蛋漿再逐面去燒，分成兩份後淋上燒汁，最後仲有一步畫龍點睛之作就係加上香蔥及炸蒜。炸蒜真心起咗一個好大作用，令成件作品更香口同時口感更豐富。
🌟飛驒牛壽司
真心放入口果下就真係以為自己返左日本，同名古屋果啲根本就係一樣味，。壽司上面配有海膽，海膽味雖然濃但唔會搶味，第一下入口會海膽味先慢慢咬就會食到濃郁嘅和牛味。
🌟火炙飛驒牛壽司
火炙壽司經過火燒油脂味更濃烈，呢個同席前燒其實會有少少相似，佢面層一樣加有香蔥同炸蒜，放入口都一樣係充滿油香同時口感豐富。
🌟壽喜燒連烏冬
壽喜燒鍋本身真係超豐富，而且材料一樣唔馬虎，蔬菜全部都好翠綠好新鮮，冬菇大粒又肥美，豆腐都非常綿滑食得出每樣材料都好用心。最緊要當然唔少得兩大塊和牛，一樣係滿滿嘅雪花紋路，煮完後再撈埋蛋汁，真係入口即溶。另外佢仲配有個烏冬，烏冬都好煙韌連埋佢特調壽喜燒汁，已經好飽都一樣唔放過。
🌟和牛釜飯
呢個飯上面就係鋪滿和牛再加有雞蛋，等佢慢慢焗熟之後再撈勻，成個飯一打開就充滿牛油香味，而且最重要一點係下面個鍋仲可以整到非常靚嘅飯焦，一樣係令到我飽到癲都忍唔住要食曬佢。
🌟三文魚麵豉湯
呢度好出色嘅地方就係連麵豉湯都一樣令人驚嘆，湯味道感覺好清亦都帶有魚香，入面你仲除咗基本麵豉湯材料外仲有三文魚肉，而且咬落味道都濃仲好香。
🌟雪糕
雪糕佢一共有4種口味，我哋就直接選擇咗比較少見嘅芝士同開心果味。開心果味相對會甜少少，味道都濃郁，個人比較鍾意呢款。芝士味其實都一樣濃，佢係偏奶香重果種芝士，會有少少覺得甜得黎又帶少少咸，味道其實都好唔錯。
🔸整體評價🔸
呢間餐廳真心係無得頂🥹呢個餐食完真係回味無窮，短期內應該都會帶埋屋企人過嚟翻食。
Post
