Video
Read full review
2021-09-15
62 views
得兩個人食飯但又想試多啲款，見呢間西班牙菜好多小食，價錢都相宜，可以一次過試好多款式🤩🤩，今餐一於揀佢啦！食物味道全部都唔錯，尤其甜品真係攞滿分💯！不過我未去過西班牙，唔知佢係咪傳統風味🤔，去過嘅你唔該幫手鑑賞下/回味下啦😆～～～🌖傳統蕃茄多士 $33番茄🍅好清新同新鮮，但又唔會有草青味，仲有淡淡橄欖🫒味～～～🌖地中海鯷魚沙律 $88顏色超級colorful🌈！有橙肉、蕃茄、蘿蔔仔、芝士碎同鯷魚，上面仲淋上橄欖油增添油潤感。鯷魚份量唔多，肉質講唔上嫩滑，但正正係呢個口感先令人容易與其他食材食出分別，咁先至有存在感；番茄🍅係肉茄，水份軟少，唔會沖散魚肉嘅味道；橙肉味道稍酸，為之後嘅炸物、肉類掀開序幕。🌖魷魚可樂餅$15；🌗松露蘑菇可樂餅$15有得一粒粒咁嗌，所以每款都叫左一粒～平時嘅可樂餅外層香脆，內裡薯泥軟滑，魷魚可樂餅內除此之外仲係薯泥中加入墨汁，係視覺上帶黎新鮮感，薯泥中更有一塊塊薄身魷魚🦑，為可樂餅增添多一重口感，係一個幾新奇得意嘅嘗試。松露蘑菇可樂餅口感鬆軟濕潤，蘑菇味超重，但松露味欠奉。🌖慢煮黑毛豬 $188豬肉無腥味，肥肪較少，但慢煮夠曬安全，一定唔會老！肉質有咬口，調味適
6 views
0 likes
0 comments
番茄🍅好清新同新鮮，但又唔會有草青味，仲有淡淡橄欖🫒味～～～
地中海鯷魚沙律
$88
10 views
0 likes
0 comments
顏色超級colorful🌈！有橙肉、蕃茄、蘿蔔仔、芝士碎同鯷魚，上面仲淋上橄欖油增添油潤感。鯷魚份量唔多，肉質講唔上嫩滑，但正正係呢個口感先令人容易與其他食材食出分別，咁先至有存在感；番茄🍅係肉茄，水份軟少，唔會沖散魚肉嘅味道；橙肉味道稍酸，為之後嘅炸物、肉類掀開序幕。
魷魚可樂餅;松露蘑菇可樂餅
$15
9 views
0 likes
0 comments
有得一粒粒咁嗌，所以每款都叫左一粒～
平時嘅可樂餅外層香脆，內裡薯泥軟滑，魷魚可樂餅內除此之外仲係薯泥中加入墨汁，係視覺上帶黎新鮮感，薯泥中更有一塊塊薄身魷魚🦑，為可樂餅增添多一重口感，係一個幾新奇得意嘅嘗試。
松露蘑菇可樂餅口感鬆軟濕潤，蘑菇味超重，但松露味欠奉。
慢煮黑毛豬
$188
5 views
0 likes
0 comments
豬肉無腥味，肥肪較少，但慢煮夠曬安全，一定唔會老！肉質有咬口，調味適中唔會過鹹，唯份量較少，不過可以一次過試埋炸西班牙青椒🫑，呢個價錢黎講都合理。
西班牙壞蛋薯條
$78
4 views
0 likes
0 comments
薯條🍟係偏餅乾style 嘅幼薯條，幼嘅程度只係粗意粉少少。薯條好香脆，薯仔味好重，同粗薯條中空嘅口感好唔同。店員提議拌勻黎食，蛋汁流到薯條之中，令薯條輕微變軟，微軟（Microsoft?）同香脆嘅口感互相交替。蛋上面仲有煙肉🥓粒，不過我覺得太鹹喎。
始終唔明點解佢叫壞蛋薯條🤔，莫非因為太好味叫人食唔停口，食得多好易爆瘡所以是之為壞蛋也？
西班牙油炸鬼
$68
10 views
0 likes
0 comments
一上枱已經聞到好香肉桂味，未食已經俾佢吸引住，放入口先知原來Churros 可以咁好食🤩🤩！Churros 外層香脆們一都都唔油膩，沾滿砂糖夠曬香甜，內𥚃唔會乾噌噌，有少少似麵包布甸得黎又唔會太濕。除左食原味之外仲配有朱古力漿同雲呢拿雪糕🍨，雲呢拿雪糕絕對唔係頹野！有粒粒雲呢拿籽之餘仲好香軟，朱古力唔會太甜，苦苦地加埋沾滿砂糖嘅Churros先唔會漏～～～
如果食曬Churros 仲有朱古力漿同雪糕剩可以將朱古力漿放入雪糕之中（建議一次唔好倒太多，形狀盡量一絲絲，否則好難凝固），咁你就可以得到凝固左嘅朱古力🍫😆。
巴斯克芝士蛋糕
$68
10 views
0 likes
0 comments
巴斯克芝士蛋糕雖然樣樣衰衰🧟♂️，外觀唔多討好，但靠實力取勝超級軟滑，仲要勁重芝士味，甚得我歡心！我唔知點先為之一個好嘅巴斯克芝士蛋糕，但呢個真係好啱我口味❤️❤️❤️！
Damm Lemon Sandy
$58
2 views
0 likes
0 comments
油膩熱氣野最啱配酸啤！雖然有檸檬🍋味但其實又唔算好酸，但可以肯定嘅係呢支啤一定唔算苦！
Sangaria
$68
2 views
0 likes
0 comments
之前去過英國🇬🇧嘅聖誕市集飲過Sangaria，以為Sangaria 一定係熱飲，原來我錯了😆，其實係Mulled Wine 先係熱飲，同埋多數都係聖誕先飲。
Wiki 話Sangaria 係紅酒🍷同生果調配混合而成嘅飲品，起源於西班牙/葡萄牙，serving temperature 係cold / chilled，係西班牙餐廳酒吧常會提供嘅飲品，另外仲有白酒版本（Sangaria Blanca)。
-
🤵🏻服務幾好（可能因為係老闆關係），有客人cancel booking 所以多左張四人枱，店員主動幫我哋由二人bar 枱轉左過去；坐低咗之後又主動介紹菜式，講定邊道菜賣曬，等我唔洗諗好曬食乜先一場空。
第一次order 嘅時候已經叫左一份甜品，第二次order 嘅時候再叫多一份，店員勁貼❤️咁提醒我地本身已經叫一份，confirm 我地真係要兩份（定係我地太大食嚇親佢😝）。食完main course 叫上甜品之後，仲秒速就過左黎同我換餐碟！
👎🏻唯一扣分位就係上菜碟唔夠清潔乾爽，因為我成日影相都會將食物左搬右搬，所以經常都會掂到碟底，係呢一方面都保持清潔無油淋淋就更好。
👂🏻偷聽到隔離枱問包場詳情，餐廳可以容納30人，價格為平日$10,000，假日$15,000，計返每人三百幾四百，扣返酒水其實唔算好貴，同我今餐咁上下價錢，遲d 放寬返堂食真係可以考慮下。
Post
