Video
Read full review
2024-12-13
0 views
之前係太子就已經試過呢間Cafe，當時就已經覺得佢非常高質，最受歡迎既地方係食物質素高但價錢非常親民，內部環境亦都非常整潔仲好打卡able。今次見到佢開到既將軍澳真係即刻要試試佢，結果都完全冇失，食物水準亦都係一如既往咁好👍🏻———————————————🌟 露絲瑪莉香草燒羊架羊架烤得啱啱好，我落單係8成熟，外層微微焦脆，內裡肉質粉嫩多汁，冇一絲羶味。香草同露絲瑪莉既香氣滲晒入肉，入口鮮嫩，簡直係羊肉控既天堂！🌟 黃金蟹肉意大利飯呢個意大利飯真係超乎預期，米芯煮得剛好，帶點煙韌，吸滿濃濃既醬汁，特別係咸蛋黃個香味超濃鬱。至於中間蟹蓋部份亦都唔少蟹肉，份量都好足。🌟 脆炸魷魚鬚炸魷魚鬚係小食之王，外層炸得超香脆，魷魚肉質彈牙，重點係佢其實跟餐價都係$28，抵！🌟 蒜蓉芝士焗生蠔生蠔焗到香濃無比，蒜蓉同芝士融合成一層濃厚既金黃醬汁，比較意既一點係生蠔size都幾大，佢跟餐價係$68，但4隻入面隻隻都肥美，鍾意食蠔必點！🌟 酥炸吉列生蠔外層炸得酥香，內裡生蠔依然多汁鮮美，熱辣辣咁食最正。🌟 意式白酒煮蜆蜆肉肥美鮮甜，帶淡淡既白酒香，配上蒜香同香草點綴，食落又香又鮮。🌟 伯爵茶麻糬卷蛋伯爵茶味
之前係太子就已經試過呢間Cafe，當時就已經覺得佢非常高質，最受歡迎既地方係食物質素高但價錢非常親民，內部環境亦都非常整潔仲好打卡able。今次見到佢開到既將軍澳真係即刻要試試佢，結果都完全冇失，食物水準亦都係一如既往咁好👍🏻
———————————————
🌟 露絲瑪莉香草燒羊架
羊架烤得啱啱好，我落單係8成熟，外層微微焦脆，內裡肉質粉嫩多汁，冇一絲羶味。香草同露絲瑪莉既香氣滲晒入肉，入口鮮嫩，簡直係羊肉控既天堂！
🌟 黃金蟹肉意大利飯
呢個意大利飯真係超乎預期，米芯煮得剛好，帶點煙韌，吸滿濃濃既醬汁，特別係咸蛋黃個香味超濃鬱。至於中間蟹蓋部份亦都唔少蟹肉，份量都好足。
🌟 脆炸魷魚鬚
炸魷魚鬚係小食之王，外層炸得超香脆，魷魚肉質彈牙，重點係佢其實跟餐價都係$28，抵！
🌟 蒜蓉芝士焗生蠔
生蠔焗到香濃無比，蒜蓉同芝士融合成一層濃厚既金黃醬汁，比較意既一點係生蠔size都幾大，佢跟餐價係$68，但4隻入面隻隻都肥美，鍾意食蠔必點！
🌟 酥炸吉列生蠔
外層炸得酥香，內裡生蠔依然多汁鮮美，熱辣辣咁食最正。
🌟 意式白酒煮蜆
蜆肉肥美鮮甜，帶淡淡既白酒香，配上蒜香同香草點綴，食落又香又鮮。
🌟 伯爵茶麻糬卷蛋
伯爵茶味真係世一，卷蛋蛋糕柔軟，伯爵茶香氣十足，麻糬內餡煙韌又帶點微甜，甜度適中，強烈推薦。
🌟 開心果麻糬提拉米蘇
呢個甜品絕對係驚喜之選！面頭有好多開心果粒，開心果味濃郁香醇，麻糬既煙韌口感令提拉米蘇更有層次感，甜度控制得岩岩好。
🌟 飲品
跟餐飲品方面都非常有心，我跟餐點左一杯茅生薑蜜同一杯鮮橙汁，兩杯都唔洗加錢但質量超高，甜度方面控制非常好。
Post
