Video
Read full review
2023-07-05
80 views
之前都會同屋企人偶然過嚟鯉魚門食海鮮，但一般都係海鮮街果邊買完海鮮再去餐廳加工，今次呢間係碼頭果邊，全部食物都明碼實價，仲可以直接喺門口泊車！———————————————🌟尊貴海鮮套餐 $449/位呢個海鮮套餐所用嘅材料全部都好高質，餐廳本身係做海鮮批發，基本上所有海鮮質素都好高。因為日本近期有污染議題，餐廳都統一轉曬所有嘅日本海鮮，確保客人食嘅係最新鮮同健康。.先介紹一開始嘅海鮮拼盤，上面有深海石斑、台灣九孔鮑魚、阿根廷大赤蝦、刀貝蚌、青口、扇貝同韓國釜山珍珠蠔，全部都非常鮮甜，而且係明顯食得出同平時街市買開嘅有分別。.然後就到重頭戲野生膏仔蟹同龍蝦，一上台已經見到入面啲膏多到不得了，而且仲要大大隻。龍蝦咬落好彈牙爽口，唔要醬汁都好好味。蟹更係令人食到回味無窮，淨係慢慢食膏已經用唔少時間，之後再慢慢食蟹肉真係正到不得了。.跟住會有份有機蔬菜籃，上面有粟米、生菜同娃娃菜。個粟米真係不得不講非常有驚喜，佢咬落係有少少似糯感但又有啲爽口，同埋有種好特別嘅清甜味。.蒸曬所有海鮮後就可以開始食粥喇！個粥底本身都有少少豬骨同粟米，食落本身都已經有啲甜味，另外你仲可以選擇加蔥同菜脯，咬落仲更有咬
之前都會同屋企人偶然過嚟鯉魚門食海鮮，但一般都係海鮮街果邊買完海鮮再去餐廳加工，今次呢間係碼頭果邊，全部食物都明碼實價，仲可以直接喺門口泊車！
———————————————
🌟尊貴海鮮套餐 $449/位
呢個海鮮套餐所用嘅材料全部都好高質，餐廳本身係做海鮮批發，基本上所有海鮮質素都好高。因為日本近期有污染議題，餐廳都統一轉曬所有嘅日本海鮮，確保客人食嘅係最新鮮同健康。
.
先介紹一開始嘅海鮮拼盤，上面有深海石斑、台灣九孔鮑魚、阿根廷大赤蝦、刀貝蚌、青口、扇貝同韓國釜山珍珠蠔，全部都非常鮮甜，而且係明顯食得出同平時街市買開嘅有分別。
.
然後就到重頭戲野生膏仔蟹同龍蝦，一上台已經見到入面啲膏多到不得了，而且仲要大大隻。龍蝦咬落好彈牙爽口，唔要醬汁都好好味。蟹更係令人食到回味無窮，淨係慢慢食膏已經用唔少時間，之後再慢慢食蟹肉真係正到不得了。
.
跟住會有份有機蔬菜籃，上面有粟米、生菜同娃娃菜。個粟米真係不得不講非常有驚喜，佢咬落係有少少似糯感但又有啲爽口，同埋有種好特別嘅清甜味。
.
蒸曬所有海鮮後就可以開始食粥喇！個粥底本身都有少少豬骨同粟米，食落本身都已經有啲甜味，另外你仲可以選擇加蔥同菜脯，咬落仲更有咬口。
.
最後仲有個甜品椰汁燉雪蛤，最正嘅地方係夠曬凍，唔太甜仲好滑身真係好好食。
.
🌟安格斯肥牛(例) $168
呢個肥牛感覺牛味唔夠重，但佢個香味係足嘅，店員仲幫我地蒸到半生熟非常粉嫩。
.
🌟Lemon Squash $68
呢杯酸度好足好好飲仲夠曬凍。
.
🌟果茶 $48
整得好令好適合打卡，甜度適中不過果味再出啲就更好。
.
🔸整體評價🔸
所有海鮮味道都好滿意，店員服務都好好，全程幫你蒸海鮮仲會幫你擺靚個位影相。出面仲有海景露台比大家影相，建議大家黃昏時間，打卡會係最靚架！
Post
