越一越南牛肉粉專門店 (Closed)

【黃大仙區】【越一越南牛肉粉專門店】同同事春哥嚟到黃大仙鳳凰新村附近搵嘢食，見到呢間越南嘢幾似樣，就入去試吓。入到去都幾光猛，藍色梳化配木色櫈，幾有越式風情。我哋去到嗰陣都幾多人喺度食嘢，要坐到入面，不過咁啱就喺正自助斟水機隔離，方便。我哋去到嗰陣咁啱就係下午茶時段開始，咁梗係一人要一個下午茶再 share 食啦。我哋試咗 $42 嘅「越一生牛肉湯河」同埋 $48 嘅「老街香茅豬頸肉湯河」作為主食，兩者都幾好食，仲有青檸同辣椒，可以隨意榨落去個湯度。佢哋啲下午茶餐仲有升級優惠，每款套餐可以加錢配一款小食，我哋就加 $28 試「紅河炸蝦餅」同加 $18 試埋「大勒扎肉米紙卷」，前者係一塊一開二嘅炸蝦餅，唔係粉紅色肉嗰款，點埋甜辣雞醬就啱啱好，感覺冇咁熱氣。跟住個米紙卷就走清新路線，好清爽。再散叫 $52 嘅四隻「法式牛油蒜蓉雞翼」，一上菜都嘩一聲，好肥美，勁香牛油味，食落仲有蒜味，正。嘢飲方面，春哥加 $4 飲「凍檸茶」，我加 $8 飲「凍薏米水」，埋單 $200，勁飽。。。（地址：黃大仙鳳凰新村環鳳街12號地舖）@pho1.hk#1amfoodie #foodie #hkfoodie