Video
Read full review
2024-05-28
13 views
太子呢間居酒屋位置隱蔽，要喺巷仔轉入，而且只有約10個座位。但麻雀雖小五臟俱全，坐喺bar枱位，2位師傅都好nice，會同客人分享交談，好有日本居酒屋風味！咁啱隔離枱6人慶祝生日，師傅更一齊舉杯送上祝福💞✨師傅提供咗3款前菜畀我哋，有北海道粟米、酸蘿蔔及青檸。青檸用嚟擠喺串燒上食，而酸蘿蔔就即食都好好味，更特別嘅係北海道嘅粟米！本來我哋見舊粟米生嘅就放低咗冇食，之後師傅忍唔住叫我哋試吓，話係北海道夏天先有㗎～一試真係非常甜脆，估唔到生食粟米咁好味呢！多謝師傅推薦介紹🙂↕️✨✍🏻 /士多啤梨豬肉卷▪價錢：HK$48▫️美味指數：♥♥♥♥♥超正嘅豬肉卷，原本以為頂多係士多啤梨汁，點知原來真係卷咗約粒士多啤梨入去，雖然唔係原整一粒，但同豬肉嘅比例都係啱啱好，而且仲會淋上一層煉奶喺面，正🍓✨✍🏻 /黑糖燒菠蘿▪價錢：HK$38▫️美味指數：♥♥♥♥♥第一次喺居酒屋食燒菠蘿係原條切塊上！呢個價錢配呢種上菜方式，性價比超高吖～而且仲有層燒焦過嘅黑糖🍍✨✍🏻 /櫻花蝦炸豆腐▪價錢：HK$58▫️美味指數：♥♥♥♥♥比起以前食嘅居酒屋，呢款炸豆腐嘅上菜方式較為精緻，4舊切成方塊嘅豆腐放喺一隻黑色碟上，豆腐上
師傅提供咗3款前菜畀我哋，有北海道粟米、酸蘿蔔及青檸。青檸用嚟擠喺串燒上食，而酸蘿蔔就即食都好好味，更特別嘅係北海道嘅粟米！本來我哋見舊粟米生嘅就放低咗冇食，之後師傅忍唔住叫我哋試吓，話係北海道夏天先有㗎～一試真係非常甜脆，估唔到生食粟米咁好味呢！多謝師傅推薦介紹🙂↕️✨
✍🏻 /士多啤梨豬肉卷
▪價錢：HK$48
▫️美味指數：♥♥♥♥♥
超正嘅豬肉卷，原本以為頂多係士多啤梨汁，點知原來真係卷咗約粒士多啤梨入去，雖然唔係原整一粒，但同豬肉嘅比例都係啱啱好，而且仲會淋上一層煉奶喺面，正🍓✨
✍🏻 /黑糖燒菠蘿
▪價錢：HK$38
▫️美味指數：♥♥♥♥♥
第一次喺居酒屋食燒菠蘿係原條切塊上！呢個價錢配呢種上菜方式，性價比超高吖～而且仲有層燒焦過嘅黑糖🍍✨
✍🏻 /櫻花蝦炸豆腐
▪價錢：HK$58
▫️美味指數：♥♥♥♥♥
比起以前食嘅居酒屋，呢款炸豆腐嘅上菜方式較為精緻，4舊切成方塊嘅豆腐放喺一隻黑色碟上，豆腐上除咗有一層鮮味十足嘅櫻花蝦，仲有蔥花同紫菜碎😋✨
✍🏻 /煙燻五花腩
▪價錢：HK$68
▫️美味指數：♥♥♥♥♡
呢個正常發揮，煙燻啖啖肉之選。
✍🏻 /美國牛小排
▪價錢：HK$68
▫️美味指數：♥♥♥♥♥
呢串真係值呢個價，食落去係有好香嘅牛味👍🏻✨
✍🏻 /芝麻雞翼
▪價錢：HK$48
▫️美味指數：♥♥♥♥♥
最近成日食芝麻雞翼，外酥內嫩，調味完全好啱我口味！
✍🏻 /汁燒雞肉蔥串
▪價錢：HK$38
▫️美味指數：♥♥♥♥♡
3粒雞肉加2大舊京蔥，汁燒惹味，正常發揮。
🏻 /雞軟骨
▪價錢：HK$32
▫️美味指數：♥♥♥♥♥
1串4粒，雞軟骨都好難會唔好食😜✨
✍🏻 /日本燒南瓜
▪價錢：HK$38
▫️美味指數：♥♥♥♥♡
1份4片，都係正常發揮，連皮食都唔錯。
✍🏻 /日本甜薯仔
▪價錢：HK$28
▫️美味指數：♥♥♥♥♥
熱辣辣食好正嘅甜薯仔，呢個價錢比燒南瓜更抵食。
✍🏻 /免治雞肉棒配日本初生蛋
▪價錢：HK$42
▫️美味指數：♥♥♥♥♥
雞肉棒雖然唔算好大條，但啖啖肉好過癮，配埋粒新鮮蛋，望落食慾都大啲🤤✨
✍🏻 /咖啡黑朱古力味手工啤
▪價錢：HK$58
▫️美味指數：♥♥♥♥♡
超特別嘅香港製手工啤！好似飲緊咖啡，絲滑芳香，啤酒亦帶有適量酒精濃度，慢慢飲，享受微醺嘅感覺🍻✨
Post
