Video
Read full review
2023-04-25
74 views
有時旺角行到遠，就會行遠啲去太子搵吓有咩好食，發現有幾條街都有唔少餐廳。揀咗間酒吧想同朋友chill 住傾吓計，仲要有得食西班牙菜，正中我哋口味～💡餐前小菜 $40一坐低就有一兜nachos 配酸忌廉醬，酸酸地又脆口，啱晒送住酒咁食。對我嚟講就酸咗少少啦，但淨食都好味嘅。💡芒果蟹肉沙律 $128呢款沙律比較似係他他，底層係調味咗嘅蕃茄，中間係沙律菜，頂層係芒果。食落好有層次，味道好清新，作為前菜好開胃～😋💡西班牙海鮮炒飯 $188份量適合兩個人食，有時太多真係搞唔掂。海鮮有大蝦同青口，海鮮上唔算好豐富，都係簡單雪藏嘢，好在有辣肉腸，比想像中辣，但咁樣又幾過癮。呢個價錢、份量同質素過得去，滿足到突然想食西班牙炒飯嘅欲望。💡牛肉他他配香脆鍋巴 $38 1件開頭以為香脆鍋巴個質感會係超級脆底，點知原來係類似米通咁，仲要甜甜地，食落覺得少奇怪。牛肉他他個醋醬味又好濃，食唔到牛肉味，口感又唔太夾。💡Grasshopper $68去得酒吧當然要叫返杯cocktail試試，呢杯Grasshopper適合女仔飲，係薄荷朱古力糖嘅味道。酒味唔濃，易入口又幾有趣。
💡餐前小菜 $40
一坐低就有一兜nachos 配酸忌廉醬，酸酸地又脆口，啱晒送住酒咁食。對我嚟講就酸咗少少啦，但淨食都好味嘅。
💡芒果蟹肉沙律 $128
呢款沙律比較似係他他，底層係調味咗嘅蕃茄，中間係沙律菜，頂層係芒果。食落好有層次，味道好清新，作為前菜好開胃～😋
💡西班牙海鮮炒飯 $188
份量適合兩個人食，有時太多真係搞唔掂。海鮮有大蝦同青口，海鮮上唔算好豐富，都係簡單雪藏嘢，好在有辣肉腸，比想像中辣，但咁樣又幾過癮。呢個價錢、份量同質素過得去，滿足到突然想食西班牙炒飯嘅欲望。
💡牛肉他他配香脆鍋巴 $38 1件
開頭以為香脆鍋巴個質感會係超級脆底，點知原來係類似米通咁，仲要甜甜地，食落覺得少奇怪。牛肉他他個醋醬味又好濃，食唔到牛肉味，口感又唔太夾。
💡Grasshopper $68
去得酒吧當然要叫返杯cocktail試試，呢杯Grasshopper適合女仔飲，係薄荷朱古力糖嘅味道。酒味唔濃，易入口又幾有趣。
Post
