Video
Read full review
2023-04-26
635 views
身為居酒屋，呢間好光猛，唔似平時好暗嘅居酒屋，淨係食晚餐都幾舒服。如果主力想飲酒，燈光咁勁又好似冇咩feel。環境好闊落，都算坐得幾舒服，用手機落單都算方便。💡芥末八爪魚 $68生八爪魚都幾新鮮，芥末調味比較重，我都一度覺得有少少攻鼻，但都算唔錯。作為前菜都真係好開胃，不過有部份都用沙律菜充到望落多一啲咁。💡香蒜牛柳粒 $68雖然牛肉份量比較少，視覺上因為有啲切得差唔多大細嘅菇干擾，但又真係醃得夠入味，同肉質都好腍，確實係唔錯嘅。😝💡煙肉荔枝卷 $38睇到呢個組合就想試試，出面係充滿油香嘅煙肉，咬落荔枝肉滲出果汁，甜鹹之間又幾夾！💡汁燒大魷魚 $82味道算係唔錯，都唔會好似橡皮，不過都係份量問題……「大」魷魚就真係唔算大了，雖然我明燒完會縮水，但都真係比想像中細。💡黑松露炒烏冬 $58見到唔少食評推薦，本來都唔想揀但決定試一試，一隻碟仔咁多，黑松露味好香。果然有驚喜😍，烏冬有夠味，黑松露帶起晒，烏冬又唔會太膩。💡京蔥牛舌飯 $52冇影到相，因為上枱時有少少太驚嚇。牛舌切到短過手指尾，薄薄一片，原來冇寫厚切牛舌真係可以好薄呀......本身個碗都唔大，又唔算多牛舌，叫得呢個都係因為想飽肚
💡芥末八爪魚 $68
生八爪魚都幾新鮮，芥末調味比較重，我都一度覺得有少少攻鼻，但都算唔錯。作為前菜都真係好開胃，不過有部份都用沙律菜充到望落多一啲咁。
💡香蒜牛柳粒 $68
雖然牛肉份量比較少，視覺上因為有啲切得差唔多大細嘅菇干擾，但又真係醃得夠入味，同肉質都好腍，確實係唔錯嘅。😝
💡煙肉荔枝卷 $38
睇到呢個組合就想試試，出面係充滿油香嘅煙肉，咬落荔枝肉滲出果汁，甜鹹之間又幾夾！
💡汁燒大魷魚 $82
味道算係唔錯，都唔會好似橡皮，不過都係份量問題……「大」魷魚就真係唔算大了，雖然我明燒完會縮水，但都真係比想像中細。
💡黑松露炒烏冬 $58
見到唔少食評推薦，本來都唔想揀但決定試一試，一隻碟仔咁多，黑松露味好香。果然有驚喜😍，烏冬有夠味，黑松露帶起晒，烏冬又唔會太膩。
💡京蔥牛舌飯 $52
冇影到相，因為上枱時有少少太驚嚇。牛舌切到短過手指尾，薄薄一片，原來冇寫厚切牛舌真係可以好薄呀......本身個碗都唔大，又唔算多牛舌，叫得呢個都係因為想飽肚少少，點知個碗好多沙律菜填位。呢個真心有少少失望。
💡芝士蟹肉玉子燒 $78
玉子燒78蚊都算幾奢侈，不過都真係大大件呀～食落蟹味唔太出，不過我本身對玉子燒又麻麻地，所以食咗少少就冇食。🍳
💡荔枝燒酌 $48
飲落有少少失望，可能太多冰，味道有啲淡。荔枝味係失蹤人口，唔係好覺，好在燒酒底唔算太辣飲。
食得串燒都知份量少價錢高，畢竟要一串串咁燒都要心機，但連其他菜式都成日見到用沙律菜填位係有少少失望……不過味道上係真心讚嘅，希望之後調整吓份量，等客人冇咁大落差。😭
Post
