Video
Read full review
2023-05-18
94 views
如果覺得街邊大排擋唔衛生，香港依家都有唔少室內大排擋，楚撚記應該算係當中都幾出名嘅。一班朋友一齊食，就可以試多幾款小菜。🥢💡 鑊氣豉椒炒蜆 $99港式海鮮其中一樣正嘅唔少得炒蜆，西式鍾意凍食或者夾意粉，中式就會用豆豉碎、薑、蒜等整個醬汁底，蜆肉配咁惹味醬汁好夾，輕微有少少辣味，越食越過癮。聦朋友話有一兩舊有沙，我食落就唔覺，可能咁啱有一兩隻處理得唔好。💡 醬爆鴛鴦雞煲(滑雞&田雞) $117依家好少餐廳仲會做田雞，一見到就諗都冇諗就點咗。同場有啲朋友唔食田雞，記得挾嘅時侯睇清楚哈哈～💡 蒜香骨 $99召集鍾意食蒜嘅朋友，炸蒜多到埋咗排骨，熱辣辣咁上碟真係好香。排骨好鬆軟，蒜味好入味，只係食完成個口都一陣蒜味><! 呢個真係要多人先叫，又蒜又炸，兩舊都好重口味，多人一齊share就剛剛好🥰💡 避風塘鮮魷 $106好多地方都有椒鹽鮮魷，難得見到有避風塘鮮魷當然點啦。炸蒜領軍嘅味道，再加上中式香料嘅味道，重點係夠鑊氣，食落唔會太油，但又非常惹味。💡 豉椒鵝腸 $105雖然唔係個個啱食，但一鍾意食就會食唔停。鵝腸唔會太熟，一過熟就會好難咬。💡 脆皮炸大腸 $88 & 飛天通菜煲
💡 鑊氣豉椒炒蜆 $99
港式海鮮其中一樣正嘅唔少得炒蜆，西式鍾意凍食或者夾意粉，中式就會用豆豉碎、薑、蒜等整個醬汁底，蜆肉配咁惹味醬汁好夾，輕微有少少辣味，越食越過癮。聦朋友話有一兩舊有沙，我食落就唔覺，可能咁啱有一兩隻處理得唔好。
💡 醬爆鴛鴦雞煲(滑雞&田雞) $117
依家好少餐廳仲會做田雞，一見到就諗都冇諗就點咗。同場有啲朋友唔食田雞，記得挾嘅時侯睇清楚哈哈～
💡 蒜香骨 $99
召集鍾意食蒜嘅朋友，炸蒜多到埋咗排骨，熱辣辣咁上碟真係好香。排骨好鬆軟，蒜味好入味，只係食完成個口都一陣蒜味><! 呢個真係要多人先叫，又蒜又炸，兩舊都好重口味，多人一齊share就剛剛好🥰
💡 避風塘鮮魷 $106
好多地方都有椒鹽鮮魷，難得見到有避風塘鮮魷當然點啦。炸蒜領軍嘅味道，再加上中式香料嘅味道，重點係夠鑊氣，食落
唔會太油，但又非常惹味。💡 豉椒鵝腸 $105
雖然唔係個個啱食，但一鍾意食就會食唔停。鵝腸唔會太熟，一過熟就會好難咬。
💡 脆皮炸大腸 $88 & 飛天通菜煲 $88
燒起即食嘅炸大腸，香脆好味。飛天通菜煲都合格啦，不過不失，用煲上keep住個熱度。
💡 豬油撈飯 $23
叫完豬油撈飯會上一樽豬油同一樽豉油，令到平平無奇嘅白飯好香口，有豉油又更好食，餸菜都好送飯。
💡 蕃薯糖水 (送)
買單後仲會有碗糖水飲，甜甜地唔算好有薑辣，但真係飽到食唔落蕃薯。🍠
一大班朋友叫咁多小菜一齊食都幾開心，尤其有啲朋友準備移民，相信佢哋都好把握食港式菜嘅機會。
Post
