Video
Read full review
2019-01-03
342 views
好多年無入過長洲，一念起長洲都係「大魚蛋，芒果糯米糍 」，講真食到有D悶。前排一直見到好多人介紹長洲開了好多新店，我地專登避開聖誕假期遊長洲。結果，小島都係人流處處。今次，決定同朋友們一試bookmark左好耐既文青小店【長洲冰室】。估唔到，平日27號入去竟然都係爆滿😱！店員一見到我地一大班人，好快手幫我地係店入面搬位比我地坐。 店內設有最低消費，我地決定點唔同既甜品試。① 芒果糯米飯必食：✭✭✭✭✭味道有泰國既level，芒果份量多，係一整個芒果開兩邊切好，又夠新鮮好甜！飯分為原味和綠色班蘭味，糯米飯好煙un，重點係佢地係飯上加脆脆！！！！配埋個椰汁，芒果同飯更加香甜，帶出唔同層次的甜，食落更有不同的口感。店員仲提醒如果食到尾時覺得唔夠椰汁，可以再加添！暫時係香港泥講，我覺得好有水準既【芒果糯米飯】！！朋友食完仲外賣兩盒帶返香港比屋企人分享。② 招牌綜合三色圓必食：✭✭✭✭呢度既招牌係芋圓，梗係要叫返碗！起初睇個甜品比我想像中有d細碗，但料係好足嘅！有仙草、蜜紅豆、薏米、西米、三色圓、黑糖水底。我覺得做得幾出色，三色圓軟硬適中，而且食落去會分得出三隻味😆唔會覺得咬緊無味粉團，仙草好嫩
今次，決定同朋友們一試bookmark左好耐既文青小店【長洲冰室】。估唔到，平日27號入去竟然都係爆滿😱！店員一見到我地一大班人，好快手幫我地係店入面搬位比我地坐。
店內設有最低消費，我地決定點唔同既甜品試。
芒果糯米飯
$38
21 views
0 likes
0 comments
① 芒果糯米飯
必食：✭✭✭✭✭
味道有泰國既level，芒果份量多，係一整個芒果開兩邊切好，又夠新鮮好甜！飯分為原味和綠色班蘭味，糯米飯好煙un，重點係佢地係飯上加脆脆！！！！配埋個椰汁，芒果同飯更加香甜，帶出唔同層次的甜，食落更有不同的口感。店員仲提醒如果食到尾時覺得唔夠椰汁，可以再加添！暫時係香港泥講，我覺得好有水準既【芒果糯米飯】！！朋友食完仲外賣兩盒帶返香港比屋企人分享。
招牌綜合三色圓
$28
20 views
0 likes
0 comments
② 招牌綜合三色圓
必食：✭✭✭✭
呢度既招牌係芋圓，梗係要叫返碗！起初睇個甜品比我想像中有d細碗，但料係好足嘅！有仙草、蜜紅豆、薏米、西米、三色圓、黑糖水底。我覺得做得幾出色，三色圓軟硬適中，而且食落去會分得出三隻味😆唔會覺得咬緊無味粉團，仙草好嫩滑，食得出有回甘味道👍店員仲細心講解，「熱」仙草不會太熱，因為個仙草太熱會溶曬，所以建議暖暖地咁食最好。
桂花酒釀三色圓
$28
24 views
0 likes
0 comments
③ 桂花酒釀三色圓
必食：✭✭✭✭
一向都好怕食上海個種酒釀小丸子，因為通常酒味太重又酸過頭，重點係個糖水口感好”杰”😑 但哩到個桂花酒釀三色圓比我想像中好，口感清新又唔杰，食到桂花清香味，唔會比酒釀搶到個味，配埋芋圓食好合！終於對哩味甜品改觀！哩到仲有得買佢地個「自家製桂花糖 」！
芒果三色圓剉冰
$58
22 views
1 likes
0 comments
④ 芒果三色圓剉冰
必食：✭✭✭✭✭
哩個冰好有份量，配料除了基本鮮芒果肉、芒果汁、煉奶，仲有地瓜圓、芋圓、紫薯圓，哩個冰咁既價錢根本無得輸，我估夏天食仲正透心涼！ 😋
泰式奶茶三色圓剉冰
$50
35 views
0 likes
0 comments
⑤ 泰式奶茶三色圓剉冰
必食：✭✭✭✭✭
未食都知泰式奶茶係偏甜，佢哩個冰做到岩岩好，個冰底真係泰式奶茶整，而唔係好hea咁淋D醬上去，唔會太甜好香奶茶味。朋友們大愛，仲搶住食，食到底雖然有D溶，但當埋奶茶飲一流！ 絕對有質素👍🏻
椰香芋泥三色圓仙草
$34
27 views
0 likes
0 comments
⑥ 椰香芋泥三色圓仙草
必食：✭✭✭✭
本身我對芋頭芋泥無咩特別喜好。但哩個「芋泥」真係不得了，好香又重芋頭味，甜度適中，配埋嫩滑仙草好有回甘味，整體泥講芋泥＋仙草＋椰汁＋芋圓係一絕配！
椰皇湯圓三色圓燉奶
$55
34 views
0 likes
0 comments
⑦ 椰皇湯圓三色圓燉奶
必食：✭✭✭✭✭
哩個絕對要用「出色」泥代表佢😍！椰皇入面有好香滑既燉奶，係好香滑，好好好香滑！（因為好好食，所以重點要講三次！😍），配上一個好香椰汁味既糖水底，入面仲有三色圓同湯圓，成件事好豐富，每樣都好配合！不過建議同人share 住食，因為一個人食會好「濟」。
雪糕抹茶紅豆奶凍
$35
29 views
0 likes
0 comments
⑧ 雪糕抹茶紅豆奶凍
必食：✭✭✭✭
奶凍唔會好甜，好濃既奶味，口感好滑！奶凍配起個抹茶好合，個紅豆煮得好有口感，絕對唔係hea! 下次可以試埋另一個芒果味，我估奶凍配芒果一定會好正！
整體泥講，可惜佢唔係開係市區，如果唔係真係成日去食。同一大班朋友去，雖然平日客人都好爆滿，但環境坐位都好寬落，小店仲有好多懷舊裝飾擺設，裝修好文青柔和，絕對好呃like！
Post
