Video
Read full review
2023-03-21
78 views
雖然而家日本已經開晒關，但由於太窮嘅關係，暫時都係未去到日本。為咗等待呢一日，決定喺香港食多啲日本嘢望梅止渴住先！原來呢間日式料理店已經開咗5年，餐廳裝修都係好似日本人放工會去聚餐同飲兩杯嘅地方，一入門口旁邊有兩個類似榻榻米嘅包廂、有四個寫住春夏秋冬嘅卡位，而入面就有啲對住廚師嘅吧檯，想知自己食嘅嘢係啲咩，都可以同廚師吹吓水～每個人嚟到都一定會試吓佢地嘅魚湯烏冬，簡直係成間餐廳嘅靈魂。正因為有一間咁樣嘅日式餐廳，所以閒時都會有啲日本人嚟呢度食吓嘢，飲吓酒咁架(⁎⁍̴̛ᴗ⁍̴̛⁎)依家經OpenRice訂檯全單九折，720ml嘅清酒仲係買一送一添，得閒同朋友嚟把酒當歌啦！==============================〖 水雲🌊 〗 🜸 𝟑.𝟒/𝟓水雲其實就係日式嘅髮菜咁解，係日本嘅一種海藻，呢道前菜就喺水雲上面加咗山芋蓉，再加上醋作調味，食落好爽口清新，好開胃！〖 真蠔刺身🦪 〗🜸 𝟑.𝟖/𝟓呢兩隻生蠔好似手掌咁大隻！係嚟自岩手縣嘅生蠔，食落好肥美啖啖肉，有咸咸嘅海水味，加上少少青檸嘅酸味，好新鮮同清新！佢地仲加咗蘿蔔蓉、蔥、海草同醬油，但味道好似變得複雜咗，有少少搶咗個鮮味。〖
雖然而家日本已經開晒關，但由於太窮嘅關係，暫時都係未去到日本。為咗等待呢一日，決定喺香港食多啲日本嘢望梅止渴住先！原來呢間日式料理店已經開咗5年，餐廳裝修都係好似日本人放工會去聚餐同飲兩杯嘅地方，一入門口旁邊有兩個類似榻榻米嘅包廂、有四個寫住春夏秋冬嘅卡位，而入面就有啲對住廚師嘅吧檯，想知自己食嘅嘢係啲咩，都可以同廚師吹吓水～每個人嚟到都一定會試吓佢地嘅魚湯烏冬，簡直係成間餐廳嘅靈魂。正因為有一間咁樣嘅日式餐廳，所以閒時都會有啲日本人嚟呢度食吓嘢，飲吓酒咁架(⁎⁍̴̛ᴗ⁍̴̛⁎)依家經OpenRice訂檯全單九折，720ml嘅清酒仲係買一送一添，得閒同朋友嚟把酒當歌啦！
==============================
〖 水雲🌊 〗 🜸 𝟑.𝟒/𝟓
水雲其實就係日式嘅髮菜咁解，係日本嘅一種海藻，呢道前菜就喺水雲上面加咗山芋蓉，再加上醋作調味，食落好爽口清新，好開胃！
水雲
5 views
0 likes
0 comments
〖 真蠔刺身🦪 〗🜸 𝟑.𝟖/𝟓
呢兩隻生蠔好似手掌咁大隻！係嚟自岩手縣嘅生蠔，食落好肥美啖啖肉，有咸咸嘅海水味，加上少少青檸嘅酸味，好新鮮同清新！佢地仲加咗蘿蔔蓉、蔥、海草同醬油，但味道好似變得複雜咗，有少少搶咗個鮮味。
真蠔刺身
2 views
0 likes
0 comments
〖 煙燻鰹魚💨 〗🜸 𝟑.𝟒/𝟓
春天嘅鰹魚口感食落好肥美清爽，而煙燻嘅之後會有啲鹹鹹嘅感覺，呢個菜色都落咗較多嘅調味，個底係加咗柚子醋中和煙燻，但都係會比較重鹹味！
〖 鹽焗銀杏🌰 〗🜸 𝟑.𝟎/𝟓
銀杏就係平時食開腐竹白果糖水嘅白果，但就冇試過係食呢個鹽焗嘅整法，食落少少飲栗子，淡淡嘅鹽烤味，食到最後會有少少白果嘅苦澀，幾特別！
〖 網燒西冷牛扒🐮 〗🜸 𝟑.𝟒/𝟓
呢塊西冷傾向比較薄身啲，因為本身西冷肉質比較紮實，所以薄啲個口感會比較好。食落牛味尚算濃，脂肪比例都平均，西冷面有少少焦烤嘅味道，都算不錯！
網燒西冷牛扒
8 views
0 likes
0 comments
〖 鮮帆立貝壽司🍣 〗🜸 𝟑.𝟏/𝟓
帆立貝好大粒，而肉質比較厚實，食落好新鮮啖啖肉，又鮮甜(^_^*)
〖 火炙左口魚邊壽司🍣 〗🜸 𝟑.𝟑/𝟓
成日都聽人講左口魚邊，有時都唔係好知咩嚟，其實就係背鰭同臀鰭中間嘅肉，食落好肥美，有豐富嘅油脂感，火炙完之後仲好有嚼勁添！
火炙左口魚邊壽司
4 views
0 likes
0 comments
〖 醬油燒吞拿魚腩壽司🍣 〗🜸 𝟑.𝟒/𝟓
最驚艷嘅就係呢個燒吞拿魚腩，油脂超超超豐富，肉質好厚，每啖咬落去都係肉！加上火炙同醬油嘅味道，令味道更有層次，好幸福！
醬油燒吞拿魚腩壽司
4 views
0 likes
0 comments
〖 鱲魚白子⚪️ 〗🜸 𝟑.𝟐/𝟓
平時食開嘅白子都係鱈魚白子，會比較冧啲嘅，而今次食嘅鱲魚白子，會比較實啲，但一樣都有香濃嘅奶油味。
鱲魚白子
6 views
0 likes
0 comments
〖 唐揚阿波尾雞🐥 〗🜸 𝟑.𝟔/𝟓
阿波尾雞係用咗放養方式去飼養嘅雞，唔會用激素去催生，所以肉質都爽脆嫩滑，而餐廳應該用咗啤酒去炸，炸粉唔太厚，炸完之後咬落仲好juicy！
唐揚阿波尾雞
10 views
0 likes
0 comments
〖 蘆筍炒帆立貝🐚 〗🜸 𝟑.𝟓/𝟓
餐廳用咗原粒嘅大帆立貝，將佢切開咗嚟炒，每一個部份都好爽好大粒，加上黑椒同檸檬汁去調味，令帆立貝更清新ʕ； •`ᴥ•´ʔ 鮮蘆筍都好爽脆，咬落去仲卡卡聲！
蘆筍炒帆立貝
3 views
0 likes
0 comments
〖 魚湯稻庭烏冬🐟 〗🜸 𝟑.𝟖/𝟓
嚟到餐飯嘅尾聲，亦都係重頭戲，就係魚湯稻庭烏冬，湯底係非常香濃嘅魚鮮味，而且仲有濃濃嘅奶油味，好香好清甜！稻庭烏冬爽滑彈牙，加上菇作調味，非常值得一試ʕ •ᴥ•ʔ
魚湯稻庭烏冬
2 views
0 likes
0 comments
——————————————————————————————
評分🌟(10分最高💯)
價錢💰: 6.5/10
味道👅: 6.8/10
環境🌱: 6.5/10
回頭❣️: 6.5/10
服務👀: 7.5/10
人均消費: $800
想睇多啲好西就記住☟
꧁Follow @hknous.foodie꧂
🔍 店舖資料
☕️ 稻乙日本料理
📍 尖沙咀寶勒巷10號2樓
🦶🏻 港鐵尖沙咀/尖東站 N2 出口, 步行約3分鐘
⏰ 𝐌𝐨𝐧-𝐒𝐚𝐭: 𝟏𝟐:𝟎𝟎-𝟏𝟓:𝟎𝟎, 𝟏𝟖:𝟎𝟎-𝟐𝟑:𝟎𝟎
⏰ 𝐒𝐮𝐧: 𝟏𝟖:𝟎𝟎-𝟐𝟑:𝟎𝟎
🔍 想搵同類型嘅餐廳𓂀✍
⌫ #eatwithnous_尖少咀
⌫ #eatwithnous_日式
#foodie #hkfoodie #hkig #hkfood #instafood #cafe #hkcafe #hkgirl #chicken #japanese #hongkong #sushi #sashimi #foodoftheday #稻乙 #美食 #相機食先 #寿司 #刺身 #吃貨 #打卡 #手機食先 #尖沙咀美食
Post
