巴巴串

Open Now

Now Closed

同朋友去食個便飯，見到呢間串燒任食幾抵食，平日7:30前更加係$198，就去食。感覺好似以前學生時代去bbq場，回憶返曬來！串燒種類都算多，個人推介即叫即燒款，同唔同肉類串燒！每個爐平均可以放3-4串串燒，唔使睇火自己轉！另一邊就係烤網。▪️即叫即燒▪️任點燒物，個人最推介大漠羊肉串，肉質軟嫩，有孜然香。另外蒜蓉焗蠔都好惹味。▪️自助區▪️自助區可以任攞雞翼、豬腩肉等，當然要「燒雞翼，我鍾意食～」，放上個爐到轉燒得好均勻，零技巧都燒到脆外皮，入面肉質juicy。另外，豬腩肉大大條任食，肥瘦均勻，肉質都唔錯，仲有蒜蓉入味。仲有棉花糖！自助區仲有熟食如街邊辣魚蛋，都有特色。