Video
Read full review
2024-12-13
0 views
今次再訪尖沙咀The One嘅法國餐廳 ÔDELICE食Afternoon Tea，餐廳由法國人主理，裝潢充滿法式風情，以藍色作主調，配上吊燈風扇同埋綠色植物，感覺優雅，地板用上黑白色階磚，配上法式藤椅，令人感覺置身喺巴黎大街小巷上嘅小酒館之中 。Tea Set 以Picnic In Paris 野餐在巴黎為主題，有10款鹹點同埋甜點，用上經典巴黎鐵塔造型做擺盤，配上搶眼嘅桃紅色野餐墊，好精緻。舒適嘅環境，加上窗外柔和嘅陽光，可以渡過一個愜意嘅下午。鹹點：蟹肉他他迷你撻三文魚醬多士康堤芝士菠菜芝士迷你蛋批炸黑松露蘑菇球蟹肉他他迷你撻，蟹肉味道鮮甜，經過香草調味好清新，配上酥脆撻底好夾；三文魚醬多士，三文魚醬鹹香味十足，好適合配上烘得香脆嘅多士；康堤芝士，屬於硬芝士，色澤金黃，令人齒頰留香；菠菜芝士迷你蛋批，口感輕盈，菠菜清新味道配上芝士鹹香味，層次感豐富；炸黑松露蘑菇球，外層炸至香脆可口，充滿黑松露香味，內裏蘑菇蓉口感軟滑，帶有香濃蘑菇味。甜點：蘋果肉桂迷你撻馬卡龍巴黎式芝士蛋糕朱古力合桃布朗尼蘋果肉桂迷你撻，充滿濃郁蘋果同埋肉桂味道，味道酸酸甜甜，迷你撻底酥脆；馬卡龍外層酥脆，配上紅
今次再訪尖沙咀The One嘅法國餐廳 ÔDELICE食Afternoon Tea，餐廳由法國人主理，裝潢充滿法式風情，以藍色作主調，配上吊燈風扇同埋綠色植物，感覺優雅，地板用上黑白色階磚，配上法式藤椅，令人感覺置身喺巴黎大街小巷上嘅小酒館之中 。
Tea Set 以Picnic In Paris 野餐在巴黎為主題，有10款鹹點同埋甜點，用上經典巴黎鐵塔造型做擺盤，配上搶眼嘅桃紅色野餐墊，好精緻。
舒適嘅環境，加上窗外柔和嘅陽光，可以渡過一個愜意嘅下午。
鹹點：
蟹肉他他迷你撻
三文魚醬多士
康堤芝士
菠菜芝士迷你蛋批
炸黑松露蘑菇球
蟹肉他他迷你撻，蟹肉味道鮮甜，經過香草調味好清新，配上酥脆撻底好夾；三文魚醬多士，三文魚醬鹹香味十足，好適合配上烘得香脆嘅多士；康堤芝士，屬於硬芝士，色澤金黃，令人齒頰留香；菠菜芝士迷你蛋批，口感輕盈，菠菜清新味道配上芝士鹹香味，層次感豐富；炸黑松露蘑菇球，外層炸至香脆可口，充滿黑松露香味，內裏蘑菇蓉口感軟滑，帶有香濃蘑菇味。
甜點：
蘋果肉桂迷你撻
馬卡龍
巴黎式芝士蛋糕
朱古力合桃布朗尼
蘋果肉桂迷你撻，充滿濃郁蘋果同埋肉桂味道，味道酸酸甜甜，迷你撻底酥脆；馬卡龍外層酥脆，配上紅桑子軟心醬，果香四溢；巴黎式芝士蛋糕，口感細緻幼滑，入口即溶，配上鹹香嘅流心芝士，好滋味；朱古力合桃布朗尼，口感紮實帶點濕潤，朱古力味道香濃，加上合桃碎令味道更香口。
Latte
Latte 口感柔順絲滑，奶味濃郁，冬天飲一杯熱latte再配搭Lotus Biscoff焦糖餅乾係唔錯嘅選擇。
Iced Lemon Tea
凍檸檬茶味道酸甜，入口清新，茶味香濃，最後帶有回甘。
Post
