Video
Read full review
2024-07-03
1423 views
相隔近一年，突然有啲掛住呢間位於佐敦近柯士甸路嘅隱世天井食堂，決定趁上星期定休日跟朋友再嚟探老闆。上次嚟過後，阿叔一直都好鍾意呢度嘅氛圍。雖然佢哋面積唔大，計埋室外位置可能都係得十零個位左右，但簡簡單單嘅日式裝潢，人情味滿滿嘅菜式同埋大眾化嘅價錢就令人好容易聯想起漫畫中嘅深宵食堂。🐖芝士吉列豬排（$68）超大份嘅豬排，面頭炸至金黃色，唔單止外脆內軟，入面就夾有極多芝士，輕輕一夾就可以做出拉絲效果。🍚特色天井貓飯 （$48）同行朋友嘅極力推介，果然無介紹錯。貓飯面頭放滿木魚花，食之前記得撈均牛油、鰹魚醬油，好有風味嘅日式家庭料理。🐂天井漢堡排 ($98)上次嚟食唔到，今次嚟之前專登DM老闆留定。漢堡扒即叫即煎，肉味香濃，肉汁又夠多，配飯食一流。🐓免治雞肉棒（$36）口感層次極豐富嘅雞肉棒，食到粒粒雞軟骨，配上曉蛋蛋黃汁，質感更幼滑。順帶一提，小店宜家剛剛拎埋酒牌，撞正天時暑熱嘅天氣，飲番杯透心涼嘅啤酒就啱晒喇！🍻
上次嚟過後，阿叔一直都好鍾意呢度嘅氛圍。雖然佢哋面積唔大，計埋室外位置可能都係得十零個位左右，但簡簡單單嘅日式裝潢，人情味滿滿嘅菜式同埋大眾化嘅價錢就令人好容易聯想起漫畫中嘅深宵食堂。
🐖芝士吉列豬排（$68）
超大份嘅豬排，面頭炸至金黃色，唔單止外脆內軟，入面就夾有極多芝士，輕輕一夾就可以做出拉絲效果。
🍚特色天井貓飯 （$48）
同行朋友嘅極力推介，果然無介紹錯。貓飯面頭放滿木魚花，食之前記得撈均牛油、鰹魚醬油，好有風味嘅日式家庭料理。
🐂天井漢堡排 ($98)
上次嚟食唔到，今次嚟之前專登DM老闆留定。漢堡扒即叫即煎，肉味香濃，肉汁又夠多，配飯食一流。
🐓免治雞肉棒（$36）
口感層次極豐富嘅雞肉棒，食到粒粒雞軟骨，配上曉蛋蛋黃汁，質感更幼滑。
順帶一提，小店宜家剛剛拎埋酒牌，撞正天時暑熱嘅天氣，飲番杯透心涼嘅啤酒就啱晒喇！🍻
Post
