Video
Read full review
2024-07-12
92 views
唔知係咪香港人好鍾意食燒賣? 定真係店主受到屋企人做點心師傅嘅影響，呢間位於銅鑼灣、主打日本直送藍鰭吞拿魚嘅專門店就自家獨創咗9款魚生燒賣而得到廣泛傳媒報導。有別於一般傳統燒賣，呢度嘅魚生燒賣用上有機大豆製成薄皮，之後再包著日本珍珠米同各款刺身，做成手切日本藍鰭吞拿魚蓉燒賣、招牌拖羅配柚子燒賣、蟹三味燒賣等等。創意度滿分之餘，配埋蒸籠示人，真係好似茶樓食到嘅燒賣一樣，好趣致。🐟極上拖羅配柚子 / 鮮香蟹三味 ($55)今次嚟先試系列中最貴嘅兩款，前者藍鰭吞拿魚腩跟手切藍鰭吞拿魚蓉，鮮味中又滿口魚油香；後者除咗手切藍鰭吞拿魚蓉外，仲加埋蟹膏、蟹子同蟹肉喺燒賣面頭，賣相邪惡，味道濃郁。🍚夢之丼 ($168) 一場嚟到，除咗魚生燒賣，另一店主推介就係呢碗有齊赤身、中拖羅、大拖羅同魚蓉燒賣嘅招牌丼飯。定食中嘅吞拿魚嚟自本愛媛縣同高知縣，款款唔單止肉質油潤軟滑，魚味又濃郁鮮甜。阿叔表示唔夠喉，如果份量再多啲，就正囉！hehehe~~
有別於一般傳統燒賣，呢度嘅魚生燒賣用上有機大豆製成薄皮，之後再包著日本珍珠米同各款刺身，做成手切日本藍鰭吞拿魚蓉燒賣、招牌拖羅配柚子燒賣、蟹三味燒賣等等。創意度滿分之餘，配埋蒸籠示人，真係好似茶樓食到嘅燒賣一樣，好趣致。
🐟極上拖羅配柚子 / 鮮香蟹三味 ($55)
今次嚟先試系列中最貴嘅兩款，前者藍鰭吞拿魚腩跟手切藍鰭吞拿魚蓉，鮮味中又滿口魚油香；後者除咗手切藍鰭吞拿魚蓉外，仲加埋蟹膏、蟹子同蟹肉喺燒賣面頭，賣相邪惡，味道濃郁。
🍚夢之丼 ($168)
一場嚟到，除咗魚生燒賣，另一店主推介就係呢碗有齊赤身、中拖羅、大拖羅同魚蓉燒賣嘅招牌丼飯。定食中嘅吞拿魚嚟自本愛媛縣同高知縣，款款唔單止肉質油潤軟滑，魚味又濃郁鮮甜。阿叔表示唔夠喉，如果份量再多啲，就正囉！hehehe~~
Post
