Video
Read full review
2022-09-30
725 views
喺九如坊歌賦街 一帶 日本菜餐廳林立，特別係近年呢度附近拉麵店越開越多， 今次就去返間喺九如坊已經有十年歷史嘅拉麵小店《長浜No.1拉麵》，係由福岡嚟嘅過江龍。 店內除左有拉麵，牆上都有介紹好幾款清酒 同埋有啲佐酒小食，加埋係日本人師傅坐陣，都幾有日本居酒屋小店嘅氛圍。一嚟當然係大大杯啤先，來自沖繩嘅 Orion 係屬於清爽淡麗型，收工大啖大啖轟就啱晒喇~ 欣賞佢凍嘅杯，厚實嘅兩吋泡，好係喺日本小店用餐嘅感覺。第一次嚟當然係試下佢嘅招牌拉麵《No.1 拉麵》啦~ 有叉燒、紫菜、木耳、蒽、高菜、蛋、簡單啲講, 即係乜都有咁滯喇~ 上枱見到佢個湯頭嘅顏色已經開心左，試埋個味， 係濃厚嘅豬骨湯呀~ 佢嘅叉燒都有兩款、一款係好似慢煮咁， 另一款就炙過， 我自己就鍾意無炙過果款多啲，炙過果啲其中一塊有啲燶。 配菜方面，所謂嘅「高菜」，即係漬過嘅芥菜，其實本質上即係香港人成日都食嘅 雪菜，食落都好似嘅，其實日本人家常菜加高菜係好常見嘅野，加落拉麵其實都幾好食，下次一定試下加佢個「明太子辛子高菜」。另一樣《No.1 拉麵》入面無嘅, 就係京蒽~ 爆多蒽拉麵一向都好多FANS，我
一嚟當然係大大杯啤先，來自沖繩嘅 Orion 係屬於清爽淡麗型，收工大啖大啖轟就啱晒喇~ 欣賞佢凍嘅杯，厚實嘅兩吋泡，好係喺日本小店用餐嘅感覺。
第一次嚟當然係試下佢嘅招牌拉麵《No.1 拉麵》啦~ 有叉燒、紫菜、木耳、蒽、高菜、蛋、簡單啲講, 即係乜都有咁滯喇~ 上枱見到佢個湯頭嘅顏色已經開心左，試埋個味， 係濃厚嘅豬骨湯呀~ 佢嘅叉燒都有兩款、一款係好似慢煮咁， 另一款就炙過， 我自己就鍾意無炙過果款多啲，炙過果啲其中一塊有啲燶。 配菜方面，所謂嘅「高菜」，即係漬過嘅芥菜，其實本質上即係香港人成日都食嘅 雪菜，食落都好似嘅，其實日本人家常菜加高菜係好常見嘅野，加落拉麵其實都幾好食，下次一定試下加佢個「明太子辛子高菜」。
No.1 拉麵
28 views
0 likes
0 comments
另一樣《No.1 拉麵》入面無嘅, 就係京蒽~ 爆多蒽拉麵一向都好多FANS，我地都叫左京蒽拉麵試下，配置基本上都係一樣，只係配菜換成滿滿嘅京蒽，雖然始終唔係日本嘅京蒽(我估)，同日本爆蒽拉麵嘅青澀感覺不大相同，但係配佢嘅湯頭叉燒同麵都非常不錯，都有日本FEEL。
京蔥拉麵
27 views
0 likes
0 comments
佢啲小食都似幾吸引，又叫左兩款試下，見到佢寫有《沙甸魚乾》有驚喜喎~ 嚟到點睇都覺得佢似白飯魚，上網一睇先知原來白飯魚係沙甸魚嘅一種嚟~ 真係長智識了。 佢有醬油同沙律醬兩種點畀你點，兩種出嚟嘅效果係完全唔同，有趣~ 點沙律醬就香口好多 , 點醬油就鮮味好多，呢樣野喺屋企都可以學下
沙甸魚乾
21 views
0 likes
0 comments
另外仲叫左個燒魚餅， 好食嘅正常發揮，唔會太過油但係KEEP 到香口，咁當然講喜感就一定無沙甸魚乾咁開心嘅~
烤魚餅
26 views
0 likes
0 comments
唔洗考慮，一定會回頭！
Post
