坐鎮

Open Now

Now Closed

一個週末的下午4點幾左右，在土瓜灣嘅街道上覓食，路過呢間門面貌似都幾新淨既食店，剛好見到店員正積極地向一對夫婦介紹食物中，八卦嘅我就站到旁邊八卦一番，橫掂當時又唔係太想食茶餐廳，於是就入去一上啦。坐低後店員依然熱情又細心地介紹菜單上面每款湯嘅特點，仲連冷泡茶帶有咩味道都一一道來，真係覺得好勁。經過店員一輪介紹覺得好似樣樣都好好咁，所以好懶咁選擇咗菜單上面嘅招牌推介 - - - 綿綿魚肚雲吞黃金雞湯麵雞湯非常濃郁，令到一向食湯麵只會循例試兩啖湯嘅我竟然食下食下不經不覺就飲咗半碗，加埋本身有麵、有雞、有雲吞，擔心飲埋落去會太飽變咗嘔返晒出黎就太浪費啊