沁沁麫 (Closed)

今晚好好彩❗️一行入舖頭店員就問我食唔食佢哋個招牌沁沁飯（即秘製臘味雞焗飯），因為剛剛煮好係最香最好味😋嘅時候。個飯送過嚟已經香氣四溢，急不及待先食一口飯。嘩❗️飯底煙煙韌韌，原來唔係糯米飯，係白米煮嘅有味飯，吸收咗臘味味道，但絕對唔油膩。臘味瘦肉多過肥糕，食落去唔會成口油，起碼食完唔會有罪惡感。另外叫咗碟蘿蔔牛坑腩🐂，由於今日蘿蔔賣晒，所以換咗豆卜比我😆😆。牛腩嘅口感更亦係極好👍👍。煮到軟腍入味，濃郁牛香味，食起來又不太膩。小店絕對係尋美食嘅好選擇💯，可以食到個性化嘅菜式同味道。