露台餐廳

Open Now

Now Closed

好朋友生日，為咗俾個驚喜佢，一直唔話佢知去邊度慶祝，其實我一早都已經唸住去半島嘅Varandah，因為幾年前食過，真係覺得物超所值，今次更加覺得佢哋服務細心又窩心，因為我book枱嘅時候已經幾full，我要求可唔可以安排window side，佢哋答覆表示未必得，要有客人取消booking先可能有，之後因為想俾更大驚喜朋友，所以再打電話去問佢哋可唔可以order一個生日蛋糕，一位女侍應話我知佢哋有一款朱古力蛋糕250g-$200，我當然覺得無問題啦，不過呢個時候，佢問我係唔係一定需要一個蛋糕慶祝，因為佢覺得我哋只有兩個人，而且本身佢哋亦有蛋糕甜品，佢建議我話佢哋可以响主菜之後安排原有的焗梳乎理加上生日牌及洋燭，我真係覺得佢好為客人著想。而且成晚無論係自助的頭盤、甜品同主菜都非常好味，我一定會再去Verandah