露台餐廳

Open Now

Now Closed

半島露台餐廳（The Verandah）位於尖沙咀香港半島酒店 雖然需預約，但其卓越的食物質素與優雅環境令人心動自助餐選擇豐富，凍海鮮如長腳蟹、醬汁鮑魚仔和刺身新鮮肥美，入口即化。熱盤中的印度咖喱香濃、韓式短肋骨嫩滑多汁，令人回味。甜品區更是亮點，精緻蛋糕和手工雪糕讓人難以抗拒。餐廳裝潢典雅，落地窗外可眺望香港太空博物館，氛圍高貴舒適。 服務一絲不苟，侍應細心周到，隨時補充餐盤，確保賓客享受無憂。作為酒店住客更可享優先訂位及折扣，性價比更高。無論是早餐、午餐還是晚餐，露台餐廳都以多樣化菜式和頂級食材，帶來無與倫比的用餐體驗。對追求品質的饕客來說，這裡是品嚐奢華自助餐的不二之選！

半島酒店露台餐廳嘅自助餐真係正到不得了！一入餐廳，服務員已經好親切咁招呼，態度超好，隨時幫手拎飲品、答問題，仲會主動問你有咩需要，貼心到爆！食物質素頂級，凍海鮮區有新鮮龍蝦、青口同虎蝦，鮮甜過癮；刺身如三文魚同帶子，入口即化，超新鮮！熱盤嘅燒牛肉切得啱啱好，嫩滑多汁，配醬汁簡直一流。現場煮嘅鮑魚仔，香噴噴，食到停唔下來！甜品區好吸睛，20款蛋糕同朱古力甜品，款款精緻，甜度剛好，唔會膩。環境優雅，坐得舒服，望住維港靚景，氣氛無敵。雖然價錢唔平，但食物同服務質素真係值晒！想食高質自助餐，露台餐廳絕對係首選，食完滿足到飛起！

我上個月先食完半島the lobby嘅afternoon tea, 完全淨係食大堂華麗老牌氣息。Afterwards tea 既scones變咗煙靭嘅麵包，差。今次試佢哋露台餐廳嘅晚餐buffet, hkd1,150一位再加一。經歷過下午茶，對自助餐期望不太大但竟然有驚喜！食物質素整體好好，很欣賞魚好嫩滑，牛面頰超淋又入味，海鮮刺身新鮮味道，還有半島自家製的雪糕。中湯和西湯也很出色。美中不足是即使窗口位其實也望不到維港景色。

半島餅房的scone是我心中的top one,疫情前，他們露台餐廳的lunch buffet 可以任食scone，所以幾乎每個月都要抽一個週末去享受一次😋但疫情其間，自助餐不再供應scone 😕所以只會在weekday碰上放假才來吃一個價錢貼地又實惠的lunch buffet （每位$750，free flow $398，未算10%服務費）雖然weekday lunch buffet 食物選擇上相對較少，但於我來說足了，最重要食物仍然高質，服務仍然是最好的😌非節日下，食物種類都不會有太大的改變冷盤我愛吃有嚼勁的磯燒鮑魚和石頭魚乾燒肉區大多有我最愛的西冷牛扒🥩有時會有豬手、排骨⋯今次有老伴最愛的羊排和我們也覺得好吃😋的蜜汁火腿，還有我不好的厚切的牛脷，不好所以不拍照😛熱盤，我會必吃完全不帶腥氣，又煎得香口的比目魚、菠菜芝士雲吞🥟⋯⋯今期第一次見有辣椒🌶️焗薯仔🥔😲辣辣地，意外地非常好吃😋可惜太佔肚子，再好吃也只可幹掉一個😅到每次也有供應的咖哩🍛區了，以前總是覺得咖喱不夠香，肉食又做得不入味，但這一年來覺得進步了，尤其今次的咖喱魚塊，魚肉入口嫩滑又充滿咖喱香👍🏻！反而我一直最愛的咖喱芝士，變

今年半島氣氛真係勁靚！無論外面啲燈飾，定係入面嘅擺設，都好用心思。仲有live band喺下層表演，成個聖誕氣氛濃厚到不得了，真係好適合一家大細或者朋友嚟感受下。講返自助餐，今次最令我驚喜嘅係四川麻辣朱古力，同平時食開嘅甜品真係完全唔同！食落有少少麻麻辣辣，又唔會太搶味，幾特別。另外，黑松露Pizza都好正，香到成枱都聞到，啲芝士同黑松露味融合得啱啱好，幾值得一試。不過以呢個價錢嚟講，食物款式可以再豐富啲，希望半島聽到，下次去會有更多新意思嘅菜式帶俾大家！

同同事去慶功宴，一齊試試呢間老名牌酒店嘅buffet環境一流，非常精緻可惜啲相唔小心誤del左冇得post🥹個人最愛食甜野，睇甜品先~講真靚就靚😂味道就全部都唔算出色係有個紅莓朱古力最好食同埋葡撻好食！咖哩款多，味唔特別，印度薄餅都有少少令人失望海洋新鮮，尤其是龍蝦一啲都唔韌！好神奇😂係食過最軟熟嘅口感～刺身係最驚喜嘅！非常新鮮好食！係任夾嘅，fill得都快仲有肉類同沙律其實整體都唔錯，自助餐黎講各種野食嘅食物都有above buffet average嘅水平，環境都elegant。款唔算多，但夠食嘅，唯一係覺得呢個價錢、呢個味道（which唔係特別出色）嘅話，出面有更好選擇，黎呢到係氣氛/環境取勝

黎緊聖誕節，去半島食自助午餐，食物種類豐富，又凍嘅海鮮，又有魚生，熟食亦都有好多選擇。甜品生果當然唔少得，樣樣食物都好新鮮，好好味，甜品蛋糕亦做得好出色，雪糕雪葩又好好食，一個胃真係裝唔晒。食過真係回味無窮 。

作為土生土長嘅香港人，我第一次踏足半島😂 原本諗住食個下午茶打下咭就算，不過見人哋講個tea set麻麻地🙄咁就開始研究自助餐，睇咗好多youtuber嘅介紹，通常都係話款式唔多，不過有質素，我都半信半疑🤨因為俾youtubers呃唔少😓不過今次我認同啲youtubers, 其實咁大個人，食過唔少自助餐，旋轉餐廳、海逸酒店、icon hotel etc, 得到嘅體驗係食物選擇很多，但是沒有很出色。半島的體驗是精緻的自助餐，美麗的環境和完美的服務。食物方面最深刻印象嘅有上湯牛脷、韓式牛仔骨、咕嚕龍躉、醉雞、鰻魚壽司、中西湯品和巴斯克芝士蛋糕。有一味紅酒燉雞，肉質很嚡，不建議大家嘗試。甜品方面，強烈建議大家試巴斯克芝士蛋糕和雪糕及自家製朱古力，其他都不需要試了。至於餐飲，我們沒有另外加錢只點了檸檬茶，餐具猶如藝術品一樣，而紅茶香濃有口感。服務態度殷勤有禮，點到即止，不會太過。吃完一頓豐富的晚餐，我和先生四處參觀，到處都是打卡的好地方。

半島酒店嘅自助餐真係一個唔容錯過嘅美食天堂🍽️首先，佢哋嘅刺身真係鮮得不得了，每一片都係新鮮得嚟仲帶有海洋嘅清甜味，食完真係令人回味無窮🐟除咗刺身之外，半島酒店自助餐仲提供咗好多唔同款式嘅美食，無論你鐘意食海鮮、燒烤定係亞洲風味，呢度都一定有你嘅心水之選。每一款都係精心製作，保證令你食得開心又滿足🍤🥩講到甜品，真係要大讚一番！每一款甜品都係藝術品，味道同賣相都係一流，令人忍唔住想食多幾件🍰🍮最重要嘅係，半島酒店嘅服務真係一流，服務員親切有禮，令你喺享受美食嘅同時，仲感受到賓至如歸嘅感覺。總之，呢度嘅自助餐真係值得一試💕

真的很失望，食物選擇很少，對肉食者來說簡直是噩夢。牛肉只有rib steak，羊架也不多，雞肉只有雞髀仔。不夠肉吃，本以為會對素食者友好，但完全沒有特色素食菜品，只能吃沙拉或印度薄餅，而且咖哩汁裡還有雞肉粒。感覺像是普通酒店的午餐，主要給樓上住客吃。其實，去半島其他餐廳可能會更好，省得生氣。海鮮不新鮮，吃完回家還肚子痛。小時候家人帶我去過一次，長大後再去吃晚餐。值得一提的是，服務員都很友善，態度非常好，這部分做得不錯。👏🏻

如果你是一個愛吃酒店自助餐嘅人的話，半島酒店露台餐廳嘅自助餐，或許會帶給你跟其他高級酒店自助餐不一樣的體驗。 自助餐成人每位 $1088 + 10 ％，算是全港價錢最高嘅酒店自助餐。餐廳內外環境華麗，氣氛一流，服務貼心，用餐時硬件的講究，甚至更多不經意嘅細節位等，加上能置身在一間見證香港近百年歷史，更被列為一級歷史建築內用餐。 對我來講，這個價錢確是貴了㸃，但得到的體驗還是"值得”。食物方面， 雖然款式選擇唔多。但貴精不貴多下，由冷盤，熱輋 到甜品，大部分食物都會吸引到令你想去試試。 食材選料質素高， 不用懷疑。以高級酒店自助餐可講，整體食物水準高 。但個人認為西式食物烹調上會比中式食物優勝。冰鎮海鮮- 各款海鮮味道鮮甜， 超出自助餐嘅水準。 加咗杯西瓜凍湯配蟹肉。魚生會有日本料理餐廳嘅水準。 另外那一小份嘅烤石頭魚肉乾原來都幾好食。日式醬油鮑魚- 鮑魚入晒醬油味。 凍青口／燻青口- 呢到嘅凍青口值得encore芝士 配 熟成 Serrano ham, 又是絕不能錯過嘅美味黃金蝦球／釀蟹蓋／鹽酥雞/ 炒蟶子/ 醬油鮑魚／蟲草花雲耳蒸班塊。 釀蟹蓋，蒸班塊， 醬油鮑魚最為好食， 其

以往都經常食Buffet，就連結婚周年都會用來慶祝，而事實上總有幾間個人覺得是在 target list 上，而半島酒店的 Verandah 可說是其中之一。早前終於有機會同幾位朋友一試心頭好。一如半島其他餐廳，自助餐都有些小要求，就係男士要穿長褲，不過一時忘記了都不用怕，因為餐廳會代為安排。好多時同朋友或家人食自助餐，都比較熱鬧，但 Verandah卻有不一樣的氛圍，客人多數會自覺地壓低聲線，以免騷擾到別人，可能是傳統優雅的氣息吧！海鮮一般酒店自助餐提供龍蝦都係原隻開邊上，但Verandah就只選用龍蝦尾，吃起來更方便，啖啖肉，蘸點一下紅醋，肉味更鮮。而帶子又係個人喜歡的海鮮，加上蟹腳、凍蝦、青口及海螺，既大隻又新鮮。刺身有我鍾意食既日式醬油鮑魚，漬得好入味，而且有嚼勁，好正。更有柔嫩肥厚的北海道帶子、爽甜的馬刀貝、肥美的三文魚，油甘魚、甜蝦以及吞拿魚，質素更是水準以上，必食。扒類好多時自助餐的扒類，外層都比較熟同韌，但 Verandah 的慢煮和牛冧肉，實在無可挑剔，就連邊位都軟熟可口，肉味濃郁，喜歡的，仲可以配上 Yorkshire Pudding。至於香草及法式芥末燒豬扒同樣軟

周年紀念，一直冇乜機會入嚟半島消費， 今次一於豪氣d請男朋友嚟食過buffet dinner啦一直都好好奇，傳說中全港最貴嘅五星星酒店自助餐係如何好味法！今日終於可以一試！個人覺得半島酒店嘅服務真係非常之好，男朋友因為冇著長褲酒店都有臨時提供，避免咗冇得進場嘅尷尬，但係大家千祈記得唔好再拖鞋，因為真係會入唔到場🤣🤣食物方便大致上都覺得可以，種類雖然唔係好多，品質都尚算係OK，始終係名貴嘅酒店大約$1200一位覺得食個名銜都好抵

前排同屋企人去咗半島食自助餐☺️ 環境方面好舒服high class，野食款式唔算好多但係每樣都好精緻😙 冷盤嘅沙律菜🥗好fresh同爽口，cold cuts鹹香好夠😛 生海鮮方面有蝦、蚌同鮑魚等，不過就冇生蠔🥲 日式嘅壽司🍣擺得好靚而且味道都唔錯，刺身厚身而且新鮮☺️ 熱盤最深刻印象係魚類🐠，煎大比目魚(halibut)同雲耳蟲草花煎魚都好鮮甜嫩滑；另外烤豬頸肉🐽好冧好入味；炸軟殼蟹好脆同多蟹膏；燒牛脷👅、羊架🐑同黑松露risotto 都好高質😋 印度區嘅咖喱🥘同烤餅幾香濃惹味😉甜品方面好精緻，朱古力🍫mouse 杯超香濃朱古力味，可麗露外層好脆入面好香雲尼拿味，cheese cake好creamy🧀😍 最後每人仲有一杯signature champagne 🍾 啫喱+ 士多啤梨🍓嘅甜品杯🥰自助午餐 (星期一至五)成人 $718, 小童 $598 (星期六)成人 $818, 小童 $688自助午餐 (星期日及公眾假期)/ 自助晚餐 成人 $1,088, 小童$848📍露台餐廳 The Verandah尖沙咀梳士巴利道22號香港半島酒店1樓🍽️ 8.5/10#janfoodiary_自助餐

去過半島酒店的自助餐唔止一次，整體而言，我對這個地方的環境和服務印象非常好。餐廳的氛圍舒適，服務人員非常友好和專業，為整個用餐體驗增添了一份溫馨感。雖然食物的種類可能比某啲地方少，但它們的質量確實非常高。特別是壽司、熟食和甜品方面，半島酒店的表現令人印象深刻。他們提供的壽司非常新鮮美味，每一口都散發著魚的鮮味和米飯的口感。而熟食方面，拖羅、海膽和長腳蟹都是我特別推薦的選項。它們的味道鮮美，質量上乘，絕對能滿足挑剔的味蕾。此外，他們的花膠也非常出色，口感滑嫩，味道濃郁。在現場烹飪區，我特別喜歡他們的火炙和牛蘆筍。火炙和牛肉質鮮嫩，入口即化，與蘆筍的結合非常完美。另外，他們的龍蝦湯也是一個不容錯過的美味。湯的口感濃郁，龍蝦肉鮮嫩多汁，給人一種豪華的享受感。半島酒店的自助餐給我留下了深刻的印象，它們的質量和味道絕對能夠滿足挑剔的食客。