五嫂石磨腸粉 (Closed)

【五嫂石磨腸粉－深水埗】很多年前，偶然食過廣州的鐵盤蒸籠腸粉，跟香港的布拉腸粉頗有不同。只見師傅雙手不停，兩塊刮片，把剛蒸好的薄粉漿，推呀推呀！好神奇咁推成一碟腸粉。淋上甜豉油，幼滑無比，裡面包着甚麼材料，已經唔重要！只是當年，呢味嘢並未嚟到香港，要食，就要上深圳或廣州了。但近年國內的大部份的名店，都開始流傳到香港了。其中鐵盤腸粉，亦係其中一種。但仍有很多地區和派別！例如潮式腸粉，淋的不是甜豉油，而是芡汁，大叔略嫌唔夠清爽！曾經在很多媒體，都有介紹過深水埗的『五嫂石磨腸粉』，大叔今日就慕名到訪。早上十一點多到達，早餐時間已過，客人已經不多。問咗收錢的哥仔，有甚麼最多人食？佢話『豬潤腸』及『豬肉碎加蛋腸』。大叔就偏拗頸，叫咗『碎牛肉腸』及『蔥花蝦米腸』，加多一杯豆漿，都係四十七蚊。原來呢處嘅堂食，只係喺巷仔嘅另一邊，搭起幾個盒，就俾你在上面立食。腸粉好快就整好，店舖有啲醬料可以自己落，為了食原汁原味，大叔只加了芝麻。先食碎牛腸，佢係我哋平時係街市牛肉檔，買嗰啲免治牛肉嘅質地。頗『鞋』，幸好嗰甜豉油，挽回不少分數。大叔貪心，望望餐牌，又叫咗個『蔥花蝦米腸』，點知食落，原來佢用嘅唔係蝦米，喺