爆爆鍋

Open Now

Now Closed

位於銅鑼灣廣場１期，１２點開門前，門口已經企滿哂人，事關佢真係幾抵，基本每位佰幾蚊，已經可以好飽，除左自助區無限添加，亦可以加錢升級想要既食材，餐單簡單易明。夜市養生排骨煱，個湯底有台灣夜市既排骨湯味道，條骨好淋好好味，我加左寬粉，吸滿湯汁，食到１條都無剩。朋友點既爆炒櫻花蝦鮮煱，店員幫忙開爐爆炒湯料，加湯煮滾，效果幾特別，安格斯牛小排口感滑溜，另外每個餐跟１份雜錦火鍋拼盤，有響鈴，蕃茄，豆腐，蛤蜊，蟹柳，香芋，冬菇，台灣丸等，非常豐富，未食到自助區，已經有點飽。食完仲送杯Haagen-Dazs，呢餐火鍋好似簡簡單單，食完就知一Ｄ都唔簡單。