船渦

Open Now

Now Closed

去完Sogo 感謝祭，想揾個地方坐耐啲休息下。餐廳位於樓上鋪，環境寧靜，每座位都可以落蓆簡格開，就算一人黎食都唔尷尬。用QR code落單，上菜速度快，亦有單點海鮮，唔一定叫套餐。枱上有簡介每款食材需要蒸幾耐，夠鐘就會響。常規套餐有4款，而大閘蟹套餐係季節性既，叫左兩款最平既試下: 九品芝麻 ($218) 同內務總管 ($288)。見大閘蟹當造，忍唔著加$48 升級半隻蟹去原隻大閘蟹（公），記得蟹蓋要向下蒸，唔係啲膏會漏晒! 蟹唔算大，但意外地公蟹有頗多黃色膏。海鮮整體新鮮鮮甜，蝦、鮑魚、元貝...都幾大隻，食得飽。以下個人海鮮排行榜:1️⃣鮑魚：係四大海味之首🤤 食落厚身軟滑2️⃣蝦：插上竹籤，蒸完唔會攣身，剝殼都易啲，蝦頭有膏，蝦身彈牙3️⃣大蜆、白蜆：大蜆肉厚滑嫩，白蜆細隻啲，但自帶鹹鮮味4️⃣元貝：獨有既貝味香濃，入口軟腍5️⃣鮮魚片：雪白魚身，夠嫩滑每款套餐都會包以下食物，只係海鮮種類有不同:🔸三點刺身：北寄貝 甘蝦 帆立貝🔸炸物：章魚燒外脆內腍，炸雞肉質嫩滑🔸三寶丸：相信全係自家手打，冇係出面見過有。薑汁皮蛋貢丸最驚喜，一咬爆汁，漏出薑汁皮蛋饀，好juicy。牛骨濃汁牛丸肉味濃郁，有肉汁。招牌