Video
2-min walk from Exit D4, Causeway Bay MTR Station
continue reading
Telephone
28850268
Introduction
It specializes in steam hot pot and high quality seafood. It provides a la carte and set menu. Also, you can follow the cooking instructions to ensure you have a good experience in a privacy dining space, as all the seats are set up with curtains.
continue reading
Additional Information
用餐時間120分鐘
Opening Hours
Today
12:00 - 15:00
18:00 - 23:00
Mon - Sun
12:00 - 15:00
18:00 - 23:00
Above information is for reference only. Please check details with the restaurant.
About Reward Scheme
Offers
Bookmark左呢間蒸氣海鮮鍋好耐，終於約左朋友去食😍 每個位都有一個蒸爐，而每款食材要蒸幾耐亦都有講埋，坐底之後見餐廳有好多缸海鮮，新鮮既保證👍今次我地叫咗兩款套餐，第一款叫九品芝麻套餐，海鮮方面有白蜆、大蜆、扁蟶子、蝦、鮑魚同鮮魚片。白蜆帶有淡淡海味又無沙，而大蜆就更加厚實，咬落去口感豐富。扁蟶子肉質鮮甜！蝦就係個人心目中最愛，肉質彈牙，啖啖都是鮮味。至於鮑魚，滑而不膩，鮮魚片更係鮮嫩，整體海鮮質素好高😋 肉類方面，我揀咗美國肥牛同豚肉，肥牛肉脂肪分佈得宜，豚肉都好好味👍第二款八府巡按套餐就更加豐富，海鮮方面有白蜆、扁蟶子、蝦、北寄貝、元貝、鮑魚、龍蝦同鮮魚片。北寄貝口感滑，元貝肉質厚實，特別要提嘅係龍蝦，肉質好鮮甜，蒸完d 龍蝦肉已經好易挑出。再加上可以揀蟹或者蟶子王，揀左既蟶子王肉質紮實，味道濃郁，依個套餐d海鮮更加高級同正😍每款套餐都有小食、沙律同埋蔬菜拼盤仲可以選擇粥底或者面底，職員見你食到咁上下會幫你煮，真係好貼心。食到好飽好飽最後仲有甜品雲呢拿同芋頭味雪米糍😎
continue reading
平時鍾意食蒸氣海鮮因為佢保留咗食材嘅原汁原味加上呢種食法相對比較健康呢一間嘅蒸氣火鍋係一人一鍋 👍🏻知道要蒸幾耐唔緊要，枱面都有提示另外值得一讚嘅係座位同座位之間都係以竹簾隔開，好有日式風格，又帶點私隱同朋友二人叫咗兩份餐都結合了前菜、炸物、海鮮、肉類、丸類、蔬菜及甜品📌配多樣化的粥底、湯底、麵底可以揀前菜：沙律清爽開胃炸物：餃子、芝麻雞冀✅餃子：外皮酥脆，口感好正，內餡多汁✅芝麻雞翼：雞翅裏芝麻炸至金黃，表皮香脆✅海鮮拼盤 ： 白蜆，蝦，北寄貝，鮑魚，元貝扁蟶子，鮮魚片，龍蝦狀，蟶子王一隻蒸氣後嘅海鮮🦞勁鮮甜 😍✅肉類：安格斯牛肉、豚肉片、雞腿肉我哋選擇咗安格斯牛肉：油脂分布均勻，大概七分鐘，肉味濃郁可口。✅丸類三寶✅牛骨湯汁牛丸：爆汁口感✅墨魚丸：彈牙爽口📌粥底/麵底我哋選擇咗粥底，係超好食😋
continue reading
這份海陸盛宴套餐結合了前菜、炸物、海鮮、肉類、丸類、蔬菜及甜品，搭配多樣化的粥底、湯底、面底可選，整體風味層次豐富！前菜：沙律味道清爽開胃，可能以日式芝
麻醬調味，蔬菜脆嫩。炸炒：餃子、芝麻雞翼餃子：外皮酥脆，內餡多汁芝麻雞翼：雞翅里芝麻炸至金黃，表皮香脆，芝麻香濃，肉質嫩滑帶甜咸醬香海鮮拼盤白蜆，蝦，北寄貝，鮑魚，元貝，扁蟶子，鮮魚片，龍蝦🦞，蟶子王一隻最特別之處系餐廳自己有魚缸，所有嘅海鮮都好新鮮，最細心之處系餐廳每張枱上面都印有各種食材需要蒸幾耐嘅提示，所以唔使驚蒸過龍！肉類：安格斯牛肉、豚肉片、雞腿肉我哋選擇咗安格斯牛肉：油脂分布均勻，蒸七分熟，肉味濃郁可口。丸類三寶牛骨湯汁牛丸：爆汁口感，牛骨湯內餡鮮濃。墨魚丸：彈牙帶海鮮甜味，可能混有墨魚
顆粒。皮蛋貢丸；味道幾特別，第一次食粥底/面底我哋選擇咗雞湯拉麵，湯底咸香濃郁，略帶海洋咸味。
continue reading
平時係出面食蒸氣鍋多數都係幾個人一個大鍋，但今日介紹呢間位於銅鑼灣鬧市可以一人一個蒸氣鍋慢慢食😌一入到去門口有隻木製古船歡迎你，餐廳裝修以中國傳統木同竹古代風格，最特別係近玻璃窗邊枱同凳採用左日式拉麵吧高枱凳，而且有竹簾分隔就算一個人黎食都可以自成一角，私隱度高🙈餐廳唔止裝修有古代感覺就連套餐名都以古時官職名命名，例如內務總管、水師提督等每個套餐各有特色～套餐均配粥底、麵底或和風珍珠飯，另外可以優惠價加配飲品，大部分套餐都包前菜、炸物、海鮮、肉類、丸類、蔬菜拼盤及甜品，一個價錢食到咁多野都幾正😋另外餐廳好細心每張枱附設烹調時間表，清楚列明每款食物要煮幾耐，咁就唔怕煮過龍啦～—————————————————————————————今次揀左九品芝麻、八府巡按套餐：🌟九品芝麻套餐♦️前菜（蟹籽沙律）：脆口青瓜與爽脆蟹籽互相結合，蟹籽咸香有助提升青瓜清甜味道，更有助解膩♦️炸物（章魚燒）：外皮金黃酥脆內部軟滑黏稠，而且食到一粒粒章魚真材實料，加上特製的醬汁同沙律醬，以及海苔作點綴，完全提升章魚燒味道♦️海鮮：有白蜆、蝦、鮮魚片、大蜆、鮑魚，所有蜆類都好重手同大隻，而且清洗得好乾淨完全冇沙，用蒸氣鍋煮更加食到蜆既鮮甜口感，大蜆相對比白蜆肉質更厚實～每隻蝦都好大隻，用蒸氣鍋烹調可以保留蝦最多鮮味，蝦膏都有好多蝦肉味道鮮甜彈牙🦐另外鮑魚方面經蒸氣鍋烹煮後，肉質依然保持彈性，口感鮮嫩好好味😋用蒸氣鍋煮鮮魚片相對於用打邊爐淥方法肉質更加柔軟同埋滑嫩，因為用蒸氣加熱魚片在烹調過程中唔易過熟，所以每啖都食到魚既鮮味♦️肉類：揀左美國肥牛同豚肉片，美國肥牛油花分布算均勻，肉質柔軟每片都好大塊👍🏻一開始我分唔到豚肉片同肥牛片，因為未煮前兩種肉質好相似，但煮過後係好明顯唔一樣，豚肉雖然冇肥牛咁嫩口值都幾好味♦️丸類（牛骨濃汁牛丸、薑汁皮蛋貢丸、招牌墨魚丸）：牛丸咬落去真係好多牛汁，仲好重牛肉味，每啖都食到粒粒牛筋～如果你中意食薑汁既一定唔可以錯過薑汁皮蛋貢丸，超重薑汁味食落有少許薑蓉，口感好爽口～墨魚丸真係建議唔好煮咁耐，因我試過蒸耐左爆開左🥺但味道好香墨魚味而且有粒粒墨魚係入面，口感一流♦️蔬菜拼盤：有多種蔬菜類別如金菇、南瓜、粟米、翠玉瓜、娃娃菜，粟米真係超爽脆清甜，真係同打邊爐既口感唔同♦️南瓜芋頭粥：蒸完所有套餐食物後職員會拎碗已預備好超稠身既南瓜芋頭粥，佢會問你想要稀定稠啲，我今次揀稀啲之後職員會將啲粥加落充滿海鮮鮮味既精華中，食落有少少似湯飯，南瓜同芋頭好鮮甜仲食到啖啖海鮮鮮味，真係一試難忘😍🌟八府巡按套餐♦️炸物（芝麻雞翼，雞軟骨餃子）：全部即叫即炸芝麻雞翼皮脆肉嫩，內裡雞肉鮮嫩多汁而且熱辣辣🐥 雞軟骨餃子大大隻，咬落去脆卜卜外皮香脆可口，餃子餡好足料♦️海鮮：相比起九品芝麻套餐，呢個餐多左元貝、北寄貝、龍蝦（半隻）、蟹（半隻），如果唔想食蟹可以揀蟶子皇（一隻）～元貝同北寄貝都好大隻，食落冇腥味肉質唔諧，帶有咸咸海水味好新鮮😌 蒸氣鍋可以短時間內保持龍蝦同蟹肉鮮嫩，保留左原本既海鮮風味，龍蝦肉質緊實而且鮮甜仲有好大舊膏，蟹肉真係好正好大個蟹鉗，裡面既肉好飽滿，而且肉質非常嫩口，真係好少可可以食到咁冧身既蟹肉🦀🦞♦️肉類（安格斯牛肉、雞腿肉）：安格斯牛肉比起肥牛更厚身更香牛肉味，油脂分布更均勻～雞腿肉每塊都好大舊，啖啖雞肉好juicy♦️魚湯米線：職員會將魚湯倒入蒸鍋，煮左3分鐘後就可以自行放入米線，米線好掛湯滑口，魚湯帶有獨特海鮮風味，好吸引人好想食多幾啖🌟甜品方面兩個餐都係雪米糍😋評分🖍️(滿分為5個🌕)抵食指數：🌕🌕🌕🌕 🌕服務質素：🌕🌕🌕🌕🌕環境：🌕🌕🌕🌕🌕味道：🌕🌕🌕🌕🌕
continue reading
呢排天氣比較凍，最好嘅節目就係去食火鍋！收工同朋友去咗呢間位於銅鑼灣嘅「船渦」食蒸氣火鍋！店內所有海鮮都係即叫即劏，保證新鮮！每枱都有獨立蒸爐，枱上面有寫每樣海鮮要蒸嘅時間，如有問題，店員都好有禮貌，耐心教導！👍⭐️九品芝麻套餐$258前菜：沙律炸物：章魚燒（2粒）海鮮：白蜆，蝦，鮮魚片，大蜆，扁蟶子，鮑魚肉類：美國肥牛 ，豚肉片丸類：三寶丸（牛骨濃汁牛丸、薑汁皮蛋貢丸、招牌墨魚丸）蔬菜拼盤＋甜品⭐️ 八府巡按套餐$488前菜：沙律炸物：餃子，芝麻雞翼（各1隻）海鮮：白蜆，蝦，北寄貝，鮑魚，元貝，扁蟶子，鮮魚片，龍蝦（半隻），蟶子皇（一隻）肉類：安格斯牛肉，豚肉片 丸類：三寶丸（牛骨濃汁牛丸、薑汁皮蛋貢丸、招牌墨魚丸）蔬菜拼盤＋甜品海鮮類總體都好新鮮，鮑魚大隻又彈牙、龍蝦和蝦肉質鮮甜！湯底方面選了南瓜芋頭粥同魚湯米粉！最後仲有雪米𥔵作為飯後甜品，為豐富的一餐畫上完美句號！😋👍
continue reading