Video
Read full review
2022-10-30
474 views
銅鑼灣新派烏龍專門店 Solo Udon，開業冇耐已經人氣十足，平日晚上排咗一陣隊先入到！入面嘅座位全部都係一人之境，一人食都唔尷尬～自助落單後，返埋位掃QR code，師傅就會拉開座位前方嘅活動隔板送餐，成個體驗都幾有趣！呢度主打烏龍麵，由日本職人選用100%北海道麵粉每天新鮮製造！明太子溫泉蛋冷烏龍麵($88)雖然呢排天氣轉涼，但點都要試吓冷麵，因為烏龍麵冷食最有嚼勁同口感！彈牙嘅烏龍麵，加上鹹香嘅明太子、流心嘅溫泉蛋，配料簡單但好食！店員建議先試原味，然後加少少wasabi，最後加天婦羅脆脆，三種食法，各有風味！雞白湯叉燒烏龍麵($88)雞白湯湯底比較家庭式，雖然質地唔太濃厚，但都鮮甜濃郁。烏龍麵熱食口感滑溜，而且好掛湯！叉燒口感嫩滑！明太子芝士春卷($38)好有驚喜！春卷內係滿滿嘅芝士，好特別地加入咗明太子，唔單止味道更加豐富，食落完全唔漏！春卷皮炸得香脆而不油膩，正！鍾意食芝士嘅唔好錯過！蛋黃天婦羅($35)天婦羅炸漿薄脆，輕輕一咬，蛋漿就傾湧而出，外脆內流心，口感一流！南蠻炸雞（$48）份量慷慨，炸漿好薄身，但雞就比較乾身。同埋南蠻雞嘅重點係酸甜鹹辣嘅南蠻醋，但感覺南蠻醋嘅
自助落單後，返埋位掃QR code，師傅就會拉開座位前方嘅活動隔板送餐，成個體驗都幾有趣！
呢度主打烏龍麵，由日本職人選用100%北海道麵粉每天新鮮製造！
明太子溫泉蛋冷烏龍麵($88)
雖然呢排天氣轉涼，但點都要試吓冷麵，因為烏龍麵冷食最有嚼勁同口感！彈牙嘅烏龍麵，加上鹹香嘅明太子、流心嘅溫泉蛋，配料簡單但好食！店員建議先試原味，然後加少少wasabi，最後加天婦羅脆脆，三種食法，各有風味！
雞白湯叉燒烏龍麵($88)
雞白湯湯底比較家庭式，雖然質地唔太濃厚，但都鮮甜濃郁。烏龍麵熱食口感滑溜，而且好掛湯！叉燒口感嫩滑！
明太子芝士春卷($38)
好有驚喜！春卷內係滿滿嘅芝士，好特別地加入咗明太子，唔單止味道更加豐富，食落完全唔漏！春卷皮炸得香脆而不油膩，正！鍾意食芝士嘅唔好錯過！
蛋黃天婦羅($35)
天婦羅炸漿薄脆，輕輕一咬，蛋漿就傾湧而出，外脆內流心，口感一流！
南蠻炸雞（$48）
份量慷慨，炸漿好薄身，但雞就比較乾身。同埋南蠻雞嘅重點係酸甜鹹辣嘅南蠻醋，但感覺南蠻醋嘅味道唔太突出～
抹茶罐裝牛乳蛋糕($48)
草莓罐裝牛乳蛋糕($48)
估唔到呢度竟然有IG-able嘅罐裝牛乳蛋糕，更估唔到嘅係兩款蛋糕睇得又食得！抹茶慕絲蛋糕質感軟滑，抹茶濃郩帶回甘！個人鍾意草莓牛乳蛋糕多d，忌廉奶香十足，同酸酸甜甜嘅草莓好夾！記得留肚食甜品呀！
玉山烏龍（$25）
呢度有自家冷泡茶，推薦玉山烏龍，飲嘅時候個喉嚨涼浸浸好舒服，睇返成份先知原來加咗甘草！甘中帶甜，值得一試！由於入面有茶包，所以飲完可以成個樽攞返屋企再沖多次！
Post
