萍記泰式美食 (Closed)

我哋一行九人，點咗燒魚，蝦餅，豬頸肉，生菜包，燒烤牛舌，牛仔骨，茄子，豬頸肉，豬腩肉，鮮魷，另外點咗冬蔭功，椰子雞湯，炒飯，炒蜆，濕炒河⋯味道好好，萍姐好細心，我有兩個老人家同行，她特意把芥蘭炒軟一點，一般泰式炒菜很多時味道太濃，食到最後會好咸，佢哋完全冇呢個問題，通菜爽嫩可口，燒魚完全冇腥味及多汁，配上他們嘅汁醬，連怕食魚嘅妹妹亦贊不絕口，我哋極速ko咗兩條。燒烤肉類，鮮魷及茄子做得好出色，不用點汁醬己夠味，茄子鬆軟多汁配上肉鬆實在食吾停，每款食物都做得好好…萍姐幾次出嚟睇下我哋味道是否合意，因我哋吾食得太辣，佢在調味上作出改動，結果十分合我們口胃，萍姐好客氣，感覺親切，好有回家食飯嘅感覺，店舖不大，只有幾張枱，但係其他幾枱都係熟客。我哋叫咗檸檬梳打，佢哋配上菜蜜，飲落好舒服食咗好多嘢另外加埋飲品埋單$1500，非常超值，一定會再幫襯。