Video
Read full review
2019-08-14
253 views
今日星期6放假做完 facial 諗住搵間好啲嘅日本餐廳飲 Sake! 之前朋友推介過呢間上樓嘅佐賀日本餐廳，位置响銅鑼灣時代廣場後面，Holiday Inn Express 酒店隔離，非常方便！諗住得我一個人，唔特別訂定位。上到去見到唔係好多位，大概得30-40個位。我揀咗坐 sushi counter 坐低睇餐牌就被呢個優惠吸引咗 2小時任飲放題 21:30hrs 前 $248+ per person 有好多款酒揀呀! 6 kinds of sake, 3 beers, 3 plum wines, 1 whisky, 3 shochu 同其他無酒精飲品。超抵呀！我試咗兩隻清酒同一隻梅酒，都好清香同容易入口喎。一人前最大嘅唔好處就係無得試好多嘢。首先我嗌咗5件壽司。件件都好新善，尤其係個牡丹蝦，超級甜!佐賀牛都非常出名，所以一定要試！呢個係炭火燒佐賀牛極上牛肩肉。雖然佢入口即溶超肥美，但係就無筋同一啲都唔膩。推介!然後我嗌咗呢個米之蓮推介茶漬飯！真心好食同好特別！因為通常出面食到嘅茶漬飯都係茶同飯加梅／三文魚咁；呢個鯛魚嬉野茶漬飯，大家見到張相有碗飯、茶壺、鯛魚刺身同汁、仲有啲配菜
坐低睇餐牌就被呢個優惠吸引咗 2小時任飲放題 21:30hrs 前 $248+ per person 有好多款酒揀呀! 6 kinds of sake, 3 beers, 3 plum wines, 1 whisky, 3 shochu 同其他無酒精飲品。超抵呀！我試咗兩隻清酒同一隻梅酒，都好清香同容易入口喎。
一人前最大嘅唔好處就係無得試好多嘢。首先我嗌咗5件壽司。件件都好新善，尤其係個牡丹蝦，超級甜!
佐賀牛都非常出名，所以一定要試！呢個係炭火燒佐賀牛極上牛肩肉。雖然佢入口即溶超肥美，但係就無筋同一啲都唔膩。推介!
然後我嗌咗呢個米之蓮推介茶漬飯！真心好食同好特別！因為通常出面食到嘅茶漬飯都係茶同飯加梅／三文魚咁；呢個鯛魚嬉野茶漬飯，大家見到張相有碗飯、茶壺、鯛魚刺身同汁、仲有啲配菜同 wasabi。侍應好好咁教我試咗魚汁個味道先；因為可能有啲人會覺得濃啲或淡啲。然後再加熱茶撈埋嚟食。
食完晒啲主菜，既然order咗任飲放題，梗係要嗌啲佐酒嘅小食嘅。呢個係脆炸牛蒡片／條! 有啲似薯片，不過就健康好多。我一個人係食唔晒嘅 lol
最後甜品食咗柚子雪芭！
Other Info. :
個2小時任飲放題 21:30hrs 前 $248+ per person / 21:30 hrs 後 $188+ per person 優惠做到 8月31號咋，快啲去試啦!!!
(The above review is the personal opinion of a user which does not represent OpenRice's point of view.)
Post
