Rakuraku 樂拉麵 (利東街)

Open Now

Now Closed

約咗我馬來西亞個表妹去大館，係咁辛苦嘅路途上，我決定食飽咗個肚先，行過利東街見到呢間好多人排隊，我諗多人排得隊應該係好食嘅指標，所以就去排咗陣，哈! 原來一個人係會快啲有位架! 我望住個menu 有一個諗法係.... 其實我真係好少見拉麵點會俾塊炸蓮藕，但望落去又覺得算係幾賞心悅目嘅。一場嚟到我梗係食啲有推介嘅食物啦，所以就點咗呢度推介嘅特濃櫻花蝦拉麵 $88 ，因為我比較鍾意比較硬嘅麵，好彩呢度有得較硬度啫~ 好勒~ 入正題。其實我真係好怕蝦湯會聞到啲腥味，好彩呢碗係無~ 而且啲櫻花蝦好似放題咁，真心每啖入口都係櫻花蝦。我先前講到嗰兩塊特別嘅炸蓮藕，即使係放入少少湯度，都仲係好脆。 個湯底係重點，因為真係好濃郁嘅蝦湯味，非常鮮甜 !!! 而且麵條亦不錯，真的有按我的要求，保持硬度。佢呢隻香煎鮮蝦餃子，比一般拉麵店大隻，而且我唔知道係唔係燈光問題，感覺佢好黃色。 不過入口啲蝦啊肉啊都仲係有肉汁流出嚟，前到咁香口仍然保持到肉汁，真係唔錯。估唔到而家嚟到利東街偶遇一下拉麵店都有驚喜，唔怪得排咁長龍啦。