雲壽司 (聯成商業中心)

Open Now

Now Closed

喺銅鑼灣辦完事，一個人，午飯時間，上網見到呢間雲壽司都好多好評，一於嚟個一人之境😂好彩12點半左右都未算太多人，唔洗等就可以入座。一排座位對住吧台，可以望到壽司師傅整壽司嘅過程。但座位係有少少逼嘅。 點咗自選壽司(10件)試吓，揀咗三文魚、三文魚腩、火炙三文魚、蟹子軍艦、油甘魚、甜蝦、赤蝦、吞拿魚、北寄貝。跟餐有沙律同麵豉湯，味道正常。刺身都唔錯，特別欣賞佢個火炙三文魚壽司，入口即溶；蟹子軍艦嘅蟹子都幾新鮮，一咬落去成個口腔都係蟹子，正！🤣甜蝦壽司同赤蝦壽司都好肥美，又夠甜。三文魚壽司同三文魚腩壽司就正常發揮，如果刺身厚身少少就更加好啦！😂 不過，美中不足嘅就係壽司飯就有少少乾，可惜可惜🥲