新齋橋 (Closed)

唔知道大家會唔會有陣時想食燒肉，但係又唔想食咁多，唔想食放題，今日去咗一間觀塘嘅食燒肉嘅舖頭就過足癮啦。😎牛小排燒肉定食牛肉份量幾足，店員都會幫手開爐，好快就夠熱，d牛油滴落去仲會引火😂所以大家食個陣都要小心。講返牛小排，有肉味，自己控制返生熟程度，我建議唔好沾醬汁，食返原味就最正。牛舌芯定食同樣地份量都幾多，牛舌芯都幾大塊，燒落仲有彈牙嘅口感，用料唔錯。因為算厚身，我建議點辣味汁，幾惹味😋呢間餐廳除左燒肉之外，仲有一般嘅日式料理，一班朋友可以提供唔同嘅選擇畀人，算係係觀塘收工之後，有多樣選擇嘅餐廳，推介畀大家。