泰妹餐廳 (The Wave) (Closed)

泰妹都唔係第一次食啦~今次再試第間分店-觀塘 The wave餐廳好體貼有一個人的晚餐，就算一個人嚟食都有唔錯嘅選擇😜另外仲有二人/四人套餐~都有好多選擇😆前菜：🌠香茅雞翼一碟有4 隻，香茅味其實可以再濃啲，效果會更好，不過雞翼夠好嫩滑~唔會煎乾，保持到肉質嘅juicy😆🌠串燒雞肉一碟2串，雞肉帶有啖啖燒烤味，油脂較小，肉質嫩滑~口感富有彈性😜再配沙嗲醬~滋味！主菜：🌠冬陰公海鮮湯金邊粉推薦！👍🏻👍🏻冬陰公湯最忌個過辣或過酸，呢間冬陰公係兩者最得平衡~ 海鮮份量都幾多入面有青口、魷魚、蟹柳、蝦😜以一人餐黎講都算唔錯！🌠香葉鴨鬆生菜包呢款香葉鴨鬆生菜包比平時食開嘅肉碎生菜包味道更濃同辣~反而更具泰國風味😜下次要試埋肉碎生菜包做比較😏🌠去骨海南雞飯最岩我呢啲懶人食，去骨海南雞飯食落好痛快海南雞肉厚有雞味，雞皮比較薄~再配3款醬料令雞肉更惹味！油飯散發著淡淡油香味，份量偏多，細食嘅2個人都夠食😆🌠 青檸梳打配飲品就揀咗青檸梳打，雖然上面的一粒青檸但係都夠味😆不過不失啦~