譽滿點心專門店 (Moved) New Location

今日自己食飯，突然想飲茶，但去酒樓一個人好似有啲奇怪。咁啱行過見到呢間點心專門店，於是就決定係度食返一盅兩件。灌湯餃：好大一隻，認真足料。湯汁好清甜，咬一啖飲啖湯汁幾滿足。燒賣：飲茶必試燒賣，棗皇糕：之後仲點咗棗皇糕，自從新年食過之後，我真係好耐無食過中式甜品啦，味道清甜，有棗香。不會有甜膩感。發覺一個人飲茶都幾chill，自己慢慢歎幾籠點心，飲壺茶。呢度環境整潔明亮，點心選擇唔會比酒樓少，都幾好坐。