茶涮涮 (Closed)

見食街新開嘅一間高級火鍋店，上網見到，個個都話好好，見生日就即管走去試吓。由一入門口開始嗰一下，喺度掃緊安心出含，個職員就不停咁吹你入去坐低先，態度就一般般。坐低之後見到門口寫話有啲一人套餐優惠，2個人點左一個368同一個398嘅一人套餐，點餐後聽到隔籬枱有三個女士係到傾計不斷話個份量少得可憐。好快先嚟咗一個漬物同埋前菜，食落去味道係幾好，諗住火鍋嗰啲都會好好啦，點知嗰份肉嚟咗嘅時候，以為係一人套餐。點知睇真啲係二人份量，昆布鍋裏面只有幾條菜同埋一舊粟米，隔籬枱嗰三位講得，完全冇錯。食完之後嗌埋單，有個店員應完我之後又冇咗反應，等左5分鐘，個類似店長嘅人，見我喺度周圍望，問我有咩幫到我，我話叫咗埋單，佢好快先點另外一個人買嚟處理。2個人盛惠840。食後感，呢間餐廳一啲都唔抵食，一人大概有12片肉左右，無論豬牛雞都唔可以講係頂級，同你普通喺Donki買嗰啲差唔多，如果你唔加嘢食，基本上食完一定會去第二間再食嘢，加嘢食的話，見到人哋加咗一份蔬菜$90得幾條，如果以呢個價錢，絕對唔會再返轉頭。