Cow Bean (荃灣廣場) (Closed)

小弟鍾意食牛，近日就係屋企附近發覺有間食牛扒或者牛丼飯的開飯之選，百多元有找，就此推薦一下，餐廳仲要係POKKA CAFE 旗下，感覺更可靠和有質素呢！👍🏻👍🏻餐廳環境開揚，正正就在荃灣廣場大門，一入商場就見到！裝潢有特色，令人感覺輕鬆，吃牛扒也是一件寫意簡單的事情呢！😆😆一塊塊新鮮牛扒放在冷藏櫃，牛扒的顏色和紋理漂亮光澤，令人期待😎😎小弟鍾意食牛，點了極上牛丼飯，一次過食哂三款牛肉，咁就夠哂滋味😆😆牛丼飯的牛肉，分別有來自紐西蘭的肉眼、牛柳同加拿大的肥牛！肉眼同牛柳厚度十足，食落夠juicy！肉眼肉味較濃郁，牛柳入口就較嫩滑，肥牛雖然薄身，但味道絕不遜色！三重牛肉的三重滋味，絕對滿足到我"牛魔王"的慾望👍🏻👍🏻牛丼飯上伴有溫泉玉子，連飯與牛肉入口，味道更滑更香濃呢！小食—芝士薯條即叫即炸夠香脆，蛋黃醬濃郁，必食推介！👍🏻👍🏻飲品—黑牛，係可樂配上牛乳雪糕呢！杯裝份量十足料，牛乳雪糕牛奶味道香濃！也是必食推介！雪糕入口幼滑，連可樂同飲，絕對係夏天解渴之選呢😋😋