Cow Bean (荃灣廣場) (Closed)

之前經過見到個Manu 好似幾抵食，所以就膽粗粗走去try try😂。佢整體黎講都ok 嘅，正正常常。🙂唔可以話好好食，但又唔稱得上難食，但如果加錢做set 餐我就覺得有啲唔太抵。

食得多西餐牛扒 港式扒房 唔知大家又有冇試過日式牛扒呢 呢間cowbean可以選擇不同地方同牛部位 而且連重量都可以選擇🤣200同300g之間我都係選擇200g就夠啦😛🥩紐西蘭西冷牛扒💰86(+39配套餐) 💰96單點價西冷牛扒可以揀配燒汁 黑椒汁同蒜蓉汁 我就揀左燒汁 甜甜地又唔會辣 配牛扒都算唔錯～配菜都有洋蔥 羽衣甘藍同粟米 係鐵板上好香套餐可以四樣之中揀三樣 我就揀左沙律 醬油溫泉蛋同埋飲品 都可以揀有白飯或者日式炸南瓜嘅主食或者餐湯 溫泉蛋用醬油醃過真係幾好味牛扒上面有好多蒜片 所以淋上燒汁係鐵板上就幾香 因為係西冷嘅關係所以有條又長又大嘅韌牛筋 牛肉好厚而且都算嫩 但係有另外一條圓形嘅牛筋係入面 所以食得嘅肉其實好少😢如果大家遇到呢個情況係可以同店員反映換嘅～試左屋企人嘅肉眼扒覺得好過西冷 不過注意呢度如果唔點套餐嘅話價錢係要加$10的！性價比來講都算ok 因為真係好多配菜 但係牛扒來講呢度質素未必係最好 想試下新野都可以試下 但係真係不推薦西冷啦😹📌 Cow Bean (荃灣廣場) (荃灣)荃灣大壩街4-30號荃灣廣場1樓128-130號舖

路過見到呢間嘢，好似都幾多人食，同埋啲圖都好似幾靚，所以就打算試下，點知中伏。服務態度都算正正常常，問題出係塊牛扒度。食個紐西蘭西冷牛扒，塊牛扒上黎已經知中伏，好細件之餘仲要切到隻手痛都冇切開。咁都算啦，擺入口，好似食咁中學20幾蚊起跳果啲飯盒啲牛，好似咬咁皮帶咁。硬食左成塊牛扒胃即刻唔舒服。加個套餐39蚊一個細細地嘅飯同湯連杯嘢飲。兩個人食埋單253蚊。講真一句，我寧願食中學飯盒都唔會再食呢間。真係俾錢買難受。

見到呢間cow bean好耐，一直都排長龍，見佢有個激安價牛排套餐，於是試下。黎到，個牛扒細到好似鵝肝咁，$78勁細舊，佢餐牌張相就成塊鐵板咁大，實物就係迷你尺寸，離譜！問返佢，佢先講得150g，但我都係唔覺佢150g，anyway 試下好唔好食先。咬開，岩岩上檯已經又乾又鞋，好差，難怪其他人食完都話佢不比茶記好，真係好差唔好睇佢好紅好嫩咁，其實咬開已經係一絲絲好柴。朋友叫左個豬肉丼定食$58賣相還可以，都算多野食。試左一淡，個味係豉油糖洋蔥煮豬肉嘅家庭料理，同屋企自己煮無乜分別。呢個還可以，無牛扒咁差咁搵笨！

朋友隻貓貓病咗 要去診所配藥 所以唔小心又去咗荃灣😂因為診所喺荃灣廣場附近 配完藥就入咗去行難得地見到只有兩個人排隊 我哋就加入咗一齊排隊之前有幾次經過都已經想試 但條龍真係太長 唔知要排到幾時 所以次次都放棄 走咗去食第二間今次等左十分鐘左右就入得喇🤩排隊嘅位置有個大餐牌俾你望住 可以一邊排一邊諗定食咩 一坐低就可以即刻落單本身想要套餐組合B既龍蝦湯 點知已經賣晒...最後我揀左澳洲肉眼200g +$39要套餐組合A 配薯條 湯 飲凍果茶本身唔知咩係凍果茶 但唔想飲汽水 所以先點呢個估唔到又幾好飲喎 原來係用啲茶浸好多唔同種類嘅生果職員話每一次都有機會唔同味架只係等左一陣就有得食喇🤤薯條係岩岩炸起架 好脆好好味不過得一包茄汁唔夠比我蘸😂塊牛上面有勁多蒜頭伴碟 個底又超多粟米唔會剩係食肉咁寡至於主角牛牛 好多汁好嫩 肥瘦適中 無筋200g比想像中大份 食哂成個餐真係包到上心口😋埋單每人百零蚊 食到咁大塊牛 真係分分鐘平過自己係屋企煎👍🏻👍🏻

經過d間野，望下錶都差唔多晚飯時間，望到特價76蚊鋸扒，咁就入去試下啦，見佢出面寫送啤酒，諗住問清楚嗰侍應係咪送啤酒，如果係送，咁我加錢跟餐就唔要汽水要溫泉蛋，嗰侍應聽到我問係咪送啤酒，態度超臭又話假期冇啤酒送又話點點點，又話你揀最平嗰個要加錢跟野飲嗰d, 其實我地一早都諗住加錢架啦，佢好似睇你唔起食最平嗰個扒餐咁。我忍住啖氣諗住拿拿林食完就走，件扒上到，筋又多，好難切，切到手都軟，唯一讚係薯條幾好食，買單最終$25x！講真，咁既服務態度入去俾人白鴿眼，下次免費請我食都唔去！

Cow bean🥩位於荃灣廣場地下圖一🍴紐西蘭西冷扒200克套餐A（白飯/意粉/薯條，餐湯，餐飲）$76+$39(套餐A)圖二🍴美國穀伺西冷300克單點$149再加一服務費一份錢一份貨，唔岩要求高既人，有筋，肉質一般，肉味一般😋性價比高，可以再幫襯！

是日同幾個朋友行街行到兩點幾，搞到好晏…行到去荃廣都唔諗太多，即刻上開飯啦搵食。雖然知出名多打手，不過點都差極有個譜。坐低都多野揀，不過要留肚食晚飯所以叫個煙三文魚全日早餐..呢個餐應該點都保本唔會難食，果然係意料之內⋯唔差，食得過。其實好想試佢啲扒，賣相吸引..朋友點咗扒餐都話正，下次再試餐飲包咗飲品，結果揀咗杯果汁茶，完全係茶味濃版fruit punch,唔太甜都可以..但本人下次都係揀番檸茶..

見咁耐冇食過扒 突然好想食 咁荃灣食扒就得唔太多選擇 都係得啲比較舊式出名個啲 突然諗起之前經過荃灣廣場有間食扒既次次都見佢排晒隊 價錢望落又幾抵食咁 今次就去試下啦 去到餐廳大約八點鐘左右 已經有人排梗隊 不過就唔算太多人 等左十分鐘左右就入得 店員安排左我地坐最入既卡位 望一望餐牌 都見佢有好多選擇 唔係淨係得扒 有飯有意粉 仲有其他 我地就叫左兩塊扒朋友單叫左一份紐西蘭肉眼扒200g跟黑椒汁 除左塊肉眼扒 下面仲會有啲炒雜菜係度 朋友話除左側邊兩邊有少少韌之外 其他位都好淋 幾好食 份量又岩岩好我就叫左個套餐 揀左個澳洲肉眼扒200g跟蒜蓉汁 再加是日餐湯 薯條同飲品 套餐係叫塊扒再加$39蚊就有晒三樣野 覺得幾抵食 是日餐湯係南瓜忌廉湯 飲落好重南瓜味 忌廉好滑好Creamy 薯條係幼薯 有少少失望 薯條黎到已經係凍 仲係係好硬身 好似係擺左好耐咁 飲品就係罐裝既飲品最正常 韓國既粒粒雪梨汁 入面有果肉好好味 塊肉眼扒更加失望 食落完全冇牛味 仲有一陣怪味 唔知係唔係雪藏味 分唔到係咩味 淨係覺得好難食 蒜蓉汁又好鹹 整體黎講 咁既價錢有更好既選擇 呢間絕對唔會有下次

肉汁香濃肉眼扒去開荃灣拍拖，係荃灣廣場搵到呢間 Cow Bean，蝦子餅成日想我食多啲肉，就決定食呢間。蝦子餅叫左「鐵板上級牛肉炒飯」再另外加錢叫鹹檸七。熱辣辣嘅鐵板，自己決定牛肉嘅生熟度，再自己炒埋一碟。牛肉都幾嫩口，不過份量少咗啲。鹹檸七幾特別，用膠袋裝住，不過好驚倒瀉😂但好處可以拎走慢慢飲。而且好似漏咗單，我地兩個都食晒都未嚟，催咗兩次先有。但女職員服務態度相當好。我就叫咗「肉眼扒 200g」，肉味香濃，好Juicy。不過原來 200g 唔多夠食，比較薄。食完唔夠飽，好彩仲有剛炸起嘅薯條，Yummy。龍蝦湯就烯咗啲。下次要食300g先得🥰Cow Bean (荃灣廣場) (荃灣)荃灣大壩街4-30號荃灣廣場1樓128-130號舖

今次黎到食午餐，午餐價錢都抵嘅，叫左一人一份鐵板牛扒。呢份係澳洲西冷配黑椒汁，牛扒黎到係得2-3成熟嘅，建議係切左先慢慢煎熟佢，肉質都唔錯，性價比高。呢個係配蒜蓉汁，個汁都好味。加左杯水果茶，一開始飲係唔錯，少少甜味然後有茶味，不過越飲越苦。呢個咖啡嘅味幾特別，一開始以為會係齋啡，點知係已經加左奶同糖，但係覺得冇咩甜味，咖啡味重d，而且偏苦。午餐餐牌

今日同兩個女性朋友行完街突然想鋸扒行過荃灣廣場見到呢間cow bean 又唔係貴就走左入去食飯喇🥩🥩🥩入到去個經理哥哥話有個新出4人龍蝦餐有頭盤、有龍蝦、又有2塊扒、仲有個飯/烏冬同飲品，都幾抵食👍🏻👍🏻經理哥哥出野食既時間，好細心咁教我地點去煎個牛扒，我仲問個哥哥點解咁多隻汁哥哥話見我地食4人餐，所以突登安排晒蒜蓉、燒汁同果椒汁比我地試🥰🥰🥰真係好體貼😘唔洗我地諗食咩汁好我地食隻龍蝦🦞食到一半，發現唔就得影相勁唔開心😫經理哥哥係附近聽到，同我講話抽樣檢查咁啱影左佢地個龍蝦餐佢好好人咁share 番張相比我，唔使有遺憾😝😝😝下次值得再去，野食唔差仲有個咁好既哥哥招呼👍🏻👍🏻🥰食物：5星環境：3星 空氣比較焗服務：5星

今日同朋友咁岩見到有條小人龍排緊呢間cow bean，於是一於去試下，叫紐西蘭肉眼扒同埋澳洲西冷牛扒套餐☺️店員上既時候話係4成，影左一陣相舊牛排其實都已經8成熟了，真係勁快，所以影相要快，如果唔係就會過熟了牛排好大件，一分錢一分貨，中規中矩，肉眼比西冷真係會好食d，另外套餐點左芝士薯條同龍蝦湯，兩樣都唔錯店舖座位都幾緊湊，所以坐得唔太舒服，不過如果想食牛，呢間價錢都唔算貴可以一試，埋單大約3百幾蚊👍🏻

約了表弟在荃灣廣場睇戲，時間較為緊迫，不想走太遠，就在這個商場內食午餐。對荃灣的食肆不太熟悉，隨意的就來了Cow Bean，表弟有牛食就OK～～星期日的中午12時多，這家餐廳不用等位之餘，店內還有大量空位！好處就是，我們可以快點食完午餐就趕去睇1pm那場戲。鐵板牛扒的部位只分成西冷及肉眼兩款，有澳洲﹑紐西蘭和美國牛選擇，並分成200g及300g，可按食量而選擇。醬汁方面都是大路的黑椒汁﹑蒜蓉汁及燒汁。我就選了紐西蘭西冷 (200g) 配燒汁，額外加錢可配飯﹑意粉或薯條，飲品及湯同樣要加錢配。西冷牛扒上桌，擺盤都算不錯，比起茶記的略略精美，牛扒亦帶厚度。牛扒上放上乾蒜片及擠花牛油，配菜有粟米粒﹑車厘茄及蘆筍。店員送餐上桌時提醒我們先將牛扒切好才淋醬汁。可是，根據店員的指示去做，切好才淋醬汁，鐵板的熱力已不太夠了，已不會滋滋作響。西冷的牛味應是較重，肉質有嚼勁，但個人認為這份西冷的牛味不算重！肉質尚有咬口，有一小部份有筋而咬不動。燒汁不會太鹹，撈粟米粒食都ok～～表弟的第一份牛扒，都未進食，只是切塊時就已覺得好多筋。店員送餐來到時附有一塊提示牌，指牛扒太多筋的話可更換，所以未試食就索性換第

近排嘅興趣係食牛扒石燒牛食得多都想食返鐵板牛扒呢間舖頭行經過好多次次次都冇入去食今次就試吓美國西冷牛扒（300g）份量係合理但係質素唔值呢個價錢一百四十蚊叫做好食過快餐店個d少少冇用鬆肉粉醃但係都冇乜牛肉味尾段個三份一都係筋冇野食鐵板溫度好高手腳慢啲啲洋蔥已經燶曬鐵板泡菜骰子牛肉炒飯普通冇乜特別Pepper lunch好食過佢好多又係鐵板太熱啲飯好快燶上面個兩樣野都係單叫加三十幾蚊先跟沙律薯條飲品仲未計加一埋單接近三百蚊一啲都唔平民我諗呢個價錢可以去其他地方食好啲