Youniqueed (Closed)

尖沙咀新開左一間小店，佢嘅咖啡同意粉都唔錯，我最鍾意嘅係佢嘅咖啡，所以都分享一下。座位其實唔算多，睇得出佢嘅主打係同其他大型咖啡店唔同，因為佢喺客人嗌咖啡之前都會介紹一下，例如我叫咗Dirty，佢就同我講呢個Dirty係Double Espresso同奶，同埋係唔會溝埋一齊飲，所以要好快飲完。我就叫咗一碟意粉，蕃茄洋蔥白蘑菇巴馬臣芝士意粉。一碟意粉份量就正常，佢嘅材料都好足，佢嘅蕃茄味都好香，一個人靜靜地喺度食個意粉，飲杯咖啡，都幾開心㗎 ！食嘅時候就見到舖頭大部份來嘅人都係熟客，因為每一個嚟買咖啡嘅人，咖啡師傅都會記得佢想飲乜嘢同埋傾兩句計，幾有人情味