SOLO UDON ソロうどん (Closed)

唔係講緊林家謙首歌，一人之境都可以形容食麵！如果你都係一個內向嘅人，你就會知道可以一個人自在咁食嘢係一件幾咁舒服嘅事。我鍾意食呢度嘅手打烏冬，每一日都新鮮製作，配埋芫荽櫻花蝦天婦羅，加埋罐裝士多啤梨蛋糕，來一口自家製嘅烏龍茶，一個人食飯就係咁開心當然兩個人都可以，咁就可以試埋其他嘅小食，佢個炸溫泉蛋都十分驚喜，用日本蛋去做呢件事真係完全正確🤣一切出嚟就係濃厚嘅流心蛋黃，外裡脆口內裡滑溜，成件事好滿足。另外有一個位佢都幾細心，就係佢會響你個窗口位親自拎俾你，咁你就唔使要拎住個遙控自己走去攞麵😍