風雲丸

Open Now

Now Closed

今日時間非常緊迫，趕住返公司開會，就係附近快食碗拉麵。呢間平時好多人排隊，而家無乜人真係岩晒，不用等太久。位於大街大巷，非常容易找。燈籠多而彭湃，紅白紅白燈籠，配搭得幾好。內裏光猛企理，樓底高，空間感大。辣豚骨魚介沾麵石鍋裏裝著滾滾紅紅既辣湯，當中有一片半肥瘦既豚肉，兩片味筍，小量蔥花，拉麵免費加底分開上的。拉麵看起來有點似油麵，比油麵粗小小，但口感煙韌，味筍香甜爽口，豚肉厚切一片，我一個人竟然吃剩小小，食唔晒，原來加左底個份量多好多。用麵沾上辣汁，當中見到好多辣椒碎，非常辛辣惹味，食完出d汗，感覺無咁凍。豚肉燒到金黃色帶點燶燶地，火喉剛剛好，豚肉一小片，感覺無咁制。拉麵都有好幾款，配搭不同，緊有一款岩心水。唔夠可以再加配味玉，粟米，海苔，味筍等。