Kobe Beef Meat Pie (Closed)

一個人的下午茶時間，好想搵啲野食下。喺Sogo 行下，見到呢間特別多人排，見無野做就等下啦。佢一輪輪咁出，每次二十幾三十件，其實都好快賣晒，多人排唔一定係好好食，而可能係出得慢。呢個係我第一印象。我四五點去，得番原味同咖哩味，仲聽到好似短期內唔會有蘋果批。我就揀咗原味，等咗20分鐘就有得食。新鮮出爐，熱辣辣幾香。有好多層酥皮，係好鬆軟，但實在太多層，咬咗兩三少啖都未食到牛肉。牛肉部份有洋蔥粒，係幾香嘅，不過略嫌牛肉份量太少，成口酥皮都無乜牛。實體不過不失，但唔值排咁耐。