水門雞飯 (萬勤商業大廈)

Open Now

Now Closed

今日一個人去咗尖沙咀有啲嘢搞，搞完咪喺附近搵嘢食囉。地方有點逼，不過樓底高，坐定咗就唔係好覺。不過，如果好似我咁孭住個大書包就麻煩啲。望咗一陣餐牌，好多嘢都想食。但既然佢叫雞飯，就乖乖點個雞飯($50)。雞夠滑，雖然未係我食過最滑嘅，皮下脂肪唔多。飯唔太油，少少味，我喜歡。汁以為好似其他地方咁有甜豉油、蔥油、酸辣汁，錯！只有一碟酸辣汁，而味道唔錯，有點蒜味，見到幾粒薑，十粒八粒青辣椒，啲味入口好和諧，唔覺搶味。湯一般，完。埋單$50，性價比中上。