Video
Read full review
2010-08-04
39 views
上星期某日, 師傅單拖走左去睇 “唐山大地震”, 點解單拖? 皆因唔係個個都鍾意睇人生悲劇嘛; 於是師傅離開監房後, 見仲有段時間先開場, 於是就諗下有咩好食呢? 忽然間醒起呢度有間食店都幾出位下, 加上師傅從未試過, 於是便一支箭咁直去目的地!抵達後師傅都要搵下邊間係, 幸好原來一入門口第一間食店就已經係, 於是就企喺度望下咩好食啦, 最後師傅竟然比個快餐吸引住, 快餐係咩呢? 咪係師傅最鍾意食嘅黑椒飯囉, 而是次係黑椒鴛鴦扒飯, 於是就埋去買飛, 買飛其間師傅覺得冇咩理由黎呢度食黑椒鴛鴦扒飯喎, 話晒呢間食店出名係農夫包, 於是就柯打個咖哩牛腩農夫包, 點知要餐同唔要餐都係爭五蚊雞, 但多五蚊雞就多個湯同埋餐飲, 喺唔好蝕底嘅情況下, 於是師傅就前後柯打左兩個餐喇!落完單攞番牌仔, 再去搵個位坐底, 之後就會有人捧餐, 唔使自己捧有招呼, 師傅當然加分啦; 兩個餐一先一後登場, 話明快餐當然最快啦, 於是師傅即刻開餐! 快餐有餐湯同飲品, 餐湯係中湯, 師傅唔記得係咩湯, 不過就幾記得個味道, 味道頗濃而且有多少味精, 師傅飲左兩啖已經冇飲喇; 而黑椒鴛鴦扒飯有豬扒同雞扒各一塊
抵達後師傅都要搵下邊間係, 幸好原來一入門口第一間食店就已經係, 於是就企喺度望下咩好食啦, 最後師傅竟然比個快餐吸引住, 快餐係咩呢? 咪係師傅最鍾意食嘅黑椒飯囉, 而是次係黑椒鴛鴦扒飯, 於是就埋去買飛, 買飛其間師傅覺得冇咩理由黎呢度食黑椒鴛鴦扒飯喎, 話晒呢間食店出名係農夫包, 於是就柯打個咖哩牛腩農夫包, 點知要餐同唔要餐都係爭五蚊雞, 但多五蚊雞就多個湯同埋餐飲, 喺唔好蝕底嘅情況下, 於是師傅就前後柯打左兩個餐喇!
落完單攞番牌仔, 再去搵個位坐底, 之後就會有人捧餐, 唔使自己捧有招呼, 師傅當然加分啦; 兩個餐一先一後登場, 話明快餐當然最快啦, 於是師傅即刻開餐! 快餐有餐湯同飲品, 餐湯係中湯, 師傅唔記得係咩湯, 不過就幾記得個味道, 味道頗濃而且有多少味精, 師傅飲左兩啖已經冇飲喇; 而黑椒鴛鴦扒飯有豬扒同雞扒各一塊, 先講下個黑椒汁, 黑椒汁煮得幾香, 味道帶少辣, 入口就非常惹味, 汁底算做得不錯; 再講豬扒唔太肥而且煎得香, 肉身唔韌, 不錯喎; 而雞扒就皮煎得香脆, 且肉身十分嫩滑, 整個鴛鴦扒真的不錯; 而餐飲當然係凍檸茶, 凍檸茶就真係普普通通冇咩驚喜喇!
當食到快餐一半的時候, 咖哩牛腩農夫包餐就同時登場, 第一眼望埋去師傅真係打個突, 皆因個咖哩牛腩農夫包餐好大份; 於是師傅放低碟飯, 就試下個咖哩牛腩農夫包, 撕開錫紙只見好大個包, 包頂上切左個蓋, 絕對有椰青的感覺! 於是師傅先試下個農夫包, 一放入口發覺農夫包都算又韌又乾身, 而且包外係經烘焗, 可惜一d都唔脆, 對於師傅唔算太鍾意食硬野嘅人黎講, 感覺真係麻麻喇, 就算點埋咖哩汁亦幫助不大, 絕對帶唔起食慾, 似乎農夫包有名大於實的感覺; 再試下咖哩牛腩, 咖哩十分香濃, 而牛腩鬆軟酥香, 牛筋亦非常之腍, 看來咖哩牛腩嘅水準比農夫包要高! 餐湯係紅湯, 味道一般, 冇甚驚喜!
總括黎講食物質素尚可, 環境普通但尚算清潔, 有招呼所以服務可取, 價錢就平嘅, 快餐二十八, 咖哩牛腩農夫包就四十五, 埋單七十七, 都算幾抵食! 師傅一個人食兩個人份量嘅食物, 當然係食唔晒啦,不過只係食剩個農夫包, 咁你話有咩辦法唔飽到嘔呢? 可幸冇嘔到, 但引身一句說話出黎 就係一個人的飲食日子不易捱呀! 笑臉暫未能比, 但機會一定會再黎, 皆因師傅都好想同好友食家"乜都放入窿"試一試, 事關好友食家"乜都放入窿"都好鍾意食包嘛!
Post
