大哥大嫂私房菜 (Closed)

今日因工作關係路過大坑，正當午飯時候，肚仔咕咕响諗住進膳之際，眼見一間外觀企理、裝修束新，個名又幾有趣嘅餐廳(大嫂私房菜)，門口放置有一個午餐餐牌，價錢相宜，即管入去試一試點咗一份椒鹽豬扒，配上白飯一碗及例湯。上菜望吓先，睇落都好似幾好咁，豬扒咬落去口感都唔錯，唔會"鞋"口，又唔會太乾身，同出面食开嘅相比，绝對係水準之上，真唔錯！例湯飲落去出奇地唔覺有味精，真材實料。聽侍應哥哥講，原來隔離間"大哥食堂"都係佢哋嘅，有燒味食，喺大坑呢度嚟講都算係"唯一"，夠胆喺大坑呢個小區賣燒味，似乎必有過人之處，下次有機會都要試一試先。可惜因為掛住食嘅原固，所以忘記咗餵飽部相机先，唯有俾多個藉口自己，下次再嚟食時再影過D相