Video
Read full review
2020-01-01
43 views
記得之前去大阪旅行，在心齋橋其中一樣要做的事情就是去食gram的pancake，第一次去到撲空，因為已完了ladt order，第二次去到雖然可以下單，但就是吃不到她的招牌班戟。想不到吃招牌班戟這個願望竟然有偶然間在香港實現了。今日去到位於銅鑼灣嘅gram，整間餐廳都係行休閒路線， 加上餐廳嘅樓底好高 在配上落地玻璃， 視野感覺非常闊落睇一睇菜單，同大阪分店一樣有好多唔同種類嘅班戟，今次我當然要叫佢哋嘅招牌班戟。不過我落單之後先發現我係叫咗Premium Smile Pancake，好似同傳統嗰隻有少少分別。班戟上碟嘅時候賣相好靚仔，亦都配有蜜糖畀你，仲有一塊細細嘅微笑餅乾。呢個班戟最過癮嘅地方就係佢有三種味道。今次店員都好好提醒我哋要先食最底嗰個班戟。因為最底嗰個係熱食嘅班戟有蛋黃流心嘅添。三個班戟嚟講我自己反而最鍾意最底嗰個雞蛋班戟。切開嘅時候有蛋黃嘅流心。而呢隻蛋嘅蛋味都相當濃郁。食起上嚟就同班戟非常配搭。位於中間嗰個班戟就有朱古力醬喺入邊嘅，呢個就同一般我哋食開嘅班戟就相似喇，亦都係凍食嘅。大家可以配上糖漿或者係旁邊嘅忌廉去食，加上本身嘅朱古力醬口感都唔錯。最後先係介紹最頂嘅生
記得之前去大阪旅行，在心齋橋其中一樣要做的事情就是去食gram的pancake，第一次去到撲空，因為已完了ladt order，第二次去到雖然可以下單，但就是吃不到她的招牌班戟。想不到吃招牌班戟這個願望竟然有偶然間在香港實現了。
今日去到位於銅鑼灣嘅gram，整間餐廳都係行休閒路線， 加上餐廳嘅樓底好高 在配上落地玻璃， 視野感覺非常闊落
睇一睇菜單，同大阪分店一樣有好多唔同種類嘅班戟，今次我當然要叫佢哋嘅招牌班戟。
不過我落單之後先發現我係叫咗Premium Smile Pancake，好似同傳統嗰隻有少少分別。
班戟上碟嘅時候賣相好靚仔，亦都配有蜜糖畀你，仲有一塊細細嘅微笑餅乾。
呢個班戟最過癮嘅地方就係佢有三種味道。今次店員都好好提醒我哋要先食最底嗰個班戟。因為最底嗰個係熱食嘅班戟有蛋黃流心嘅添。
三個班戟嚟講我自己反而最鍾意最底嗰個雞蛋班戟。切開嘅時候有蛋黃嘅流心。而呢隻蛋嘅蛋味都相當濃郁。食起上嚟就同班戟非常配搭。
位於中間嗰個班戟就有朱古力醬喺入邊嘅，呢個就同一般我哋食開嘅班戟就相似喇，亦都係凍食嘅。大家可以配上糖漿或者係旁邊嘅忌廉去食，加上本身嘅朱古力醬口感都唔錯。
最後先係介紹最頂嘅生果味班戟，當然生果味嘅班戟係賣相最靚，亦係俾人打咭用啦。上面啲生果都係當做同埋清甜嘅，加上忌廉同蜜糖亦係一個好邪惡嘅班戟啦。
總結。一個價錢可以食到三種風味嘅班戟可以話係相當抵食，每種風味嘅班戟都有佢嘅獨特之處，絕不欺場，非常推薦大家嚟食。
Post
