富盈火鍋雞煲專門店 (Closed)

一大班朋友去了旺角富盈雞煲打邊爐同韓燒，其實大家都唔係第一次幫襯，這裏勝在食物款式繁多，而且有雞煲、火鍋及韓燒，可以左邊火鍋，右邊就韓燒，食完一轉又可以調下位。我們食宵夜時段無限時任飲任食都係$178加一，平絕旺角。今次就試了個椰子雞煲，有差不多一隻雞，雞肉半生，上枱滾起就食得，所以非常滑，椰子味清香。火鍋配料例牌的肥牛、豬肉片、幾款丸、蝦滑、雲吞等等，應有盡有，食物質素方面，蝦滑同雲吞都好味，肥牛唔會成舊肥膏，肉質都很腍。韓燒就一定係燒雞翼、魷魚、牛肉粒、牛舌等，牛舌、雞腎都好爽彈，醃肉都很入味。啤酒汽水既款式都很多。最後食埋杯雪糕。